الرئيس السيسي: مصر قدمت 80% من حجم المساعدات إلى غزة
قال الرئيس عبد الفتاح السيسي، خلال مؤتمر تحيا مصر وفلسطين المنعقد فى استاد القاهرة:"هنأكد على الدور الكبير الذى قامت به مصر متمثلة فى كل المصريين جمعيات – منظمات - حياة كريمة - تحيا مصر".. كل الناس اشتركت علشان تخفف عن أهالينا فى قطاع غزة.. رغم ظروفنا الصعبة لكن عاوز أقولكم إن حجم المساعدات مقارنة بالمساعدات التى تم إدخالها خلال الكام يوم اللى فاتوا دول إحنا 75 – 80% حجم اللى جه من الدنيا كله كوم والكوم اللى مصر قدمته، وده مش من ولا حاجة لكن أقصد أقول بيه إن احنا كنا على قدر المسؤولية وحاسين قد إيه نتحرك كلنا ونخفف عن أهلنا فى القطاع بالمساعدات اللى اتجهزت فى أسرع وقت.
وقال الرئيس السيسي، "سعيد إن أنا موجود معاكم النهاردة .. والجهد اللى انتوا بتعملوه ده .. الشباب والشابات في الأيام الصعبة اللى موجودة .. بنحاول نخفف بيها عن أهلنا في القطاع .. وده أمر افتكر إن احنا كلنا حاسين بيهم وكلنا بنحاول نخفف ما أمكن عنهم".
وأكد الرئيس عبد الفتاح السيسي ، أن مصر لم تغلق معبر رفح أبدا ومصر تقدم جهدا استثنائيا لدعم الأشقاء الفلسطنيين ، مؤكدا أن معبر رفح لم يغلق أبدا ولن يغلق أبدا فى وجه مساعدات تدخل للأشقاء فى فلسطين.
وأشاد الرئيس عبد الفتاح السيسي بالجهد المبذول من المشاركين في فعالية دعم فلسطين للتخفيف من معاناة أهل غزة.
وقال الرئيس عبد الفتاح السيسي أنه خلال الأيام القليلة القادمة سنستمر فى دعمنا للأشقاء الفلسطنيين ،" اللى فات كوم واللى جاى كوم تانى"
