نجلاء بدر: نفسي أقدم شخصية حتشبسوت
كشفت الفنانة نجلاء بدر أنها تتمنى تقديم قصة الملكة الفرعونية حتشبسوت في عمل جديد.
وقالت نجلاء بدر خلال لقائها في برنامج "أسرار النجوم" من تقديم إنجي علي عبر إذاعة وقناة "نجوم FM": "نفسي أقدم شخصية حتشبسوت بقرأ عنها بقالي فترة، اكتشفت أنها أول ملكة تلبس لبس راجل، والمهندس اللي عملها المعبد بتاعها ومشكوك تاريخيا هي حبته ولا لأ، عمل المقبرة بتاعته جنبها وعامل ممر تحت بين المقبرتين علشان يتقابلوا بعد كده".
وأكملت: "حتشبسوت كان مرفوض تمسك ملكة لأنها ست، اتجوزت واحد شخصيته ضعيفة وهي كانت تقود من الباطن علشان ميعرفوش، وهي اللي دخلت التجارة وعملت التبادل التجاري، ومحدش أتكلم عنها كتير".
وأوضحت نجلاء بدر أن مشكلة هذه الأعمال هي التكلفة العالية، فكرة التصوير وبناء ديكورات، حتى إذا تم التصوير في بعض المعابد لكن الديكورات، والملابس وكل شيء سيكون مكلفا.
