نجلاء بدر: نفسي أكون زي منى زكي

كشفت الفنانة نجلاء بدر أنها تحب أداء الفنانة منى زكي وتتمنى في يوم من الأيام أن تصل وتصبح مثلها.

وقالت نجلاء بدر خلال لقائها في برنامج "أسرار النجوم" من تقديم إنجي علي عبر إذاعة وقناة "نجوم FM": "منى زكي في "تحت الوصاية" عبقرية، لما بتفرج عليها بقول معقولة في يوم من الأيام هبقى زي منى زكي وأوصل لهذا النقاء من الأداء والتقمص والحب والاتقان والمشاعر، سايبة نفسي أنا من جيل اللي بقول يارب أبقى زي منى زكي".

وقالت: "نفسي أقدم شخصية حتشبسوت بقرأ عنها بقالي فترة، اكتشفت أنها أول ملكة تلبس لبس راجل، والمهندس اللي عملها المعبد بتاعها ومشكوك تاريخيا هي حبته ولا لأ، عمل المقبرة بتاعته جنبها وعامل ممر تحت بين المقبرتين علشان يتقابلوا بعد كده".

وأكملت: "حتشبسوت كان مرفوض تمسك ملكة لأنها ست، اتجوزت واحد شخصيته ضعيفة وهي كانت تقود من الباطن علشان ميعرفوش، وهي اللي دخلت التجارة وعملت التبادل التجاري، ومحدش أتكلم عنها كتير".

على جانب آخر، حققت نجلاء بدر نجاحا كبيرا في مسلسل "صوت وصورة" الذي عرض مؤخرا عبر قناة dmc وWatch It.