لميس الحديدي تعلق على مهاجمي منتخب مصر النسائي لكرة القدم:" ده مش تنمر دي قلة أدب"

وعرضت "الحديدي" عبر برنامجها "كلمة أخيرة " المذاع على شاشة " ON" نموذج من هذه التعليقات قائلة: "أنا مش عارفة الاعداد شال الاسماء ليه من على التعليقات.. الناس دي لازم تتجرس واحد بيقول للبنات أنا مستني اللي هتجيب جون عشان تقلع التيشيرت وتحتفل.. وحد تاني بيقول مالهم ومال الكورة مايروحوا كارفور عامل عروض أو يتفرجوا على سي بي سي سفرة  وثالث  بيقول جون أقلعي التيشيرت بقى".

وتابعت: "دي إسمها قلة أدب وكنت عايزة أجرسهم لو مش عايز تتفرج عليهم إنت حر ؟ لو مش شايف ان البنات من حقها تلعب كورة إنت حر؟.. لو مش قادر تتحكم في غرائزك أقعد في بيتك وماتلعبش بناتك كورة او اي رياضة عضشان ماتهتزش  أعضائها اثناء اللعب  فتضايق حضرتك".

وواصلت "الحديدي" قائلة: "ده مش تنمر دي قلة أدب وتحرش وعنف غيه الرسالة الي بتوصلوها في تعليقاتكم ؟  ده مجتمع بيكره الستات أنا مش مقتنعة على الاطلاق أن هذا مجتمع  يحترم المرأة بل يتحرش  بها  ويرى انها طريقة لاشباع الغرائز ودي حقيقة هذا المجتمع الذي لايرى إلا في ذلك".

وطالبت المجلس القومي للمرأة بإتخاذ إجراءات ضد المعلقين على صور المنتخب النسائي على التواصل الاجتماعي وإبلاغ النيابة قائلة: "البنت هتخاف تجري أو تلعب لانها هتبقى عارفة أن فيه ناس هتتكلم عليها وتطلع عينيها على السوشيال ميديا".