"ادعو لها وخلوا بالكوا من نفسكم".. ميدو يعلن إصابة والدته بكورونا
الأحد 27/ديسمبر/2020 - 11:07 ص
أعلن أحمد حسام ميدو، نجم نادى الزمالك الأسبق، إصابة والدته بفيروس كورونا المستجد "كوفيد 19"، مطالباً متابعيه بالدعاء لها .
ونشر "ميدو" تغريدة عبر صفحته الرسمية بموقع التواصل الاجتماعى "تويتر"، قائلا: "صباح الخير.. أمى بقالها أكتر من أسبوع فى المستشفى معزوله.. خلوا بالكوا من نفسكم ومن أهلكم المرض ده صعب على الناس الكبار جدًا مشاكل فى النفس ونقص فى نسبة الأكسجين فى الدم والأدوية المضاده بتجيب اكتئاب لكن الحمد لله النهاردة هى أحسن..أدعولها وخلوا بالكوا من نفسكم".
وأضاف "ميدو": "أنا اللي نزلت وديت أمي المستشفى واختلطت بناس كتير عندها كورونا فعلشان كده مانزلتش الشغل الحمد لله النهارده طلعت نتيجة المسحه سلبيه، بعتذر للناس كلها على عدم ظهور "أوضة اللبس" الأسبوع ده وان شاء الله العودة بكره بسهرة جديدة مع أوضة اللبس 11 مساء".
