بسمة بوسيل تتحدث عن طلاقها من تامر حسني لأول مرة:"قرار صعب"

بسمة بوسيل.. تصدرت اسم المطربة بسمة بوسيل، ترند موقع البحث الشهير "جوجل" بعد حديثها لأول مرة على خبر طلاقها من الفنان تامر حسني، وعلاقتهم بعد الإنفصال.

بسمة بوسيل تتحدث عن إنفصالها من تامر حسني 

قالت بسمة بوسيل، خلال إستضافتها فى برنامج "دقيقة نفهم" الذي يعرض على “اليوتيوب” عن خبر إنفصالها من تامر حسني:"قرار الانفصال كان صعب ، ولكن أنا والأولاد وأبوهم علاقتنا كويسة وكل اللي بيجمعنا هو الحب، ومش بالضروري إننا معرفناش نكمل كزوجين منبقاش نكمل كأصدقاء".

بسمة بوسيل.. أضافت: " أنا بربي فيهم حتة البيزنس من وهما صغيرين، علشان بحس أن المدارس مبتعلمناش اللي الحياة بتعلمهولنا”.

وتحدثت بسمة بوسيل .. عن حياتها بعد الطلاق قائلة: "اللي جد على حياتي إني رجعت أعمل الهوايات بتاعتي اللي بحبها وبالنسبة لي الغنا كان أكتر حاجة بتخليني أخرج برة الروتين دلوقتي بقيت بعمل دا بقيت بغني زي زمان وموهبة الغنا كانت عندي لكن مقررتش أحولها لاحتراف علشان كنت عايزة استمتع بالموضوع".

بسمة بوسيل.. تابعت: "دلوقتي بقى عندي حرية أكتر أقرر لنفسي اللي يبسطني، لكن مظنش هعمل ألبوم مع شركة منتجة لإن شغلي واخد كل وقتي".

تحدثت بسمة بوسيل، عن أولادها من تامر حسني قائلة:" أنا طول الوقت شاغلاهم بحاجات تشغل دماغهم، هي بتبقى متعبة ولكن أحسن من أنهم يضيعوا وقتهم في اللعب، أنا بحس أن المدارس مبتعلمناش اللي الحياة بتعلمه لينا، وأنا بنمي البيزنيس في شخصية ولادي وبقيت أوديهم معايا اجتماعات، وبنتي عندها 10 سنين عملت براند لنفسها واختارت اسم واللوجو وكنت مبسوطة أوي بيها".

وأضافت:" ولادي علموني حاجات كتير أوي وأولهم أعرف قيمة أمي، وهما أكبر إنجاز عملته في حياتي وهما الحب الحقيقي وأصدقائي، بيحسسوني بأحلى المشاعر اللي في الدنيا بدون مقابل، وهما طول عمرهم أولوية بالنسبة لي ربنا إدالي أحلى حاجة في الدنيا".

تابعت بسمة بوسيل:" طبيعي أن ولادي يطلعوا بيغنوا علشان صوتي وصوت أبوهم، وحاسة إن أمايا هتبقى نجمة".

بسمة بوسيل

وارتدت بسمة بوسيل بدلة حرير بشكل البيجاما وبأكمام طويلة وبتصميم الأوفر سايز، باللون الأبيض العاجي وبعض الخطوط باللون الأحمر.

وظهرت النجمة بسمة بوسيل كضيفة في برنامج "دقيقة نفهم"، وقد شاركت مجموعة من لفيدوهات عبر حسابها الرسمي على إنستجرام

يذكر أن بسمة بوسيل انفصلت عن تامر حسني، في إبريل الماضي، حيث كتبت منشوراَ عبر خاصية "الاستوري" قائلة: "وجعلنا بينكم مودة ورحمة ده كلام ربنا في الزواج والطلاق، لقد تم الطلاق بيني وبين تامر وسيظل بينا كل ود واحترام، وربنا يكتبلك ويكتبلي كل الخير أمين يارب".