الحديدي عن ضبط بانجو بمدرسة بالدقهلية: "بيعلموا الأطفال تحشش"
الثلاثاء 29/ديسمبر/2020 - 10:22 ص
علقت الاعلامية لميس الحديدي على ضبط مزروعات من البانجو داخل مدرسة بلجاي الابتدائية التابعة لإدارة غرب المنصورة التعليمية قائلة :" إمبارح كنا بنتكلم عن أسد الجونة والنهاردة بنتكلم عن بانجو في المنصورة الصراحة بقى مصر أم العجائب لقوا في مدرسة بلجاي وهي مدرسة إبتدائية " بانجو " مالقوش ورد ولا توت ولا فل ولا ياسيمين زي ماكنوا بيزرعوا في مدارسنا زمان، ونيابة المصنورة تحفظت على مشرف المكتبة ومشرف الوسائل التعليمية .. ونعم الثقافة والله والتعليم".
وتابعت: " زرعوا بانجو وسط الريحان المزروع الي بيعلموا بيه الاطفال الزراعة وانا مابقلش أن دي حالة تعمم في التعليم لكنها حالة فردية غريبة مذهلة ومبهرة ... ياترى بيزرعوه عشان مين ؟ والعامل إعترف أنهم كانوا بشربوا البانجو في غرف المدرسة اثناء الفسحة ".
وأتمت عبر برنامجها " كلمة أخيرة " المذاع على شاشة " ON" : " أنا متخيلة مشرف المكتبة والعيال داخلة تاخد الكتب وهو مسطول ؟ ياترى كان بيديهم كتب إيه ؟ وبيعلمهم إيه ؟ وياترى مشرف الوسائل التعليمية كان بيقلهم إيه ؟ كيف تحشش ؟ كيف تشرب البانجو ؟
