غلطة وبدفع تمنها.. ريهام سعيد تبرأ من منتج طبى وتحذر المذيعين

أخلت الإعلامية ريهام سعيد مسئوليتها عن إحدى المنتجات التى كانت قد روجت لها على قناة الشمس ، معلنة إتخاذ الإجراءات القانونية ضد استقطاع الفقرة وبيعها ضمن منتجات مجهولة.

وقالت ريهام سعيد فى منشور لها ،"انذار لقناة الشمس بوقف اعلانات ترو لايت و بعلن مرارا و تكرارا عدم مسؤليتي عن هذا المنتج الياعلنت عنه في فقره اعلانيه داخل محتوي البرنامج و توقفت  لاسبابي الخاصه . و ابالاضافه ان القناه استقطعت الاعلان و ذاعته  عليالقنوات السي  علي منتجات غريبه من ضمنها ترو لايت .انا بعلن عدم مسؤليتي  تماما و ساتخذ اجراءاتي القانونيه فورا لاستقطاع هذه الفقره  و بيعها من ضمن منتجات مجهوله غلطة كبيرة و بدفع تمنها غالي خلي بالك يا كابتن مجدي  انت و كل المذيعين بعد ما تمشي هاتبقي علي القنوات السي بتحط كريم علي وشك و بتعلن عن منتجات غريبة شفت الجدعنة بتعمل ايه ؟".

وكانت الإعلامية ريهام سعيد وسميرة الدغيدى مالكة قناة الشمس قد أثاروا الجدل على خلفية الخلافات بينهم.

قامت مالكة قناة الشمس بنشر فيديو لـ ريهام سعيد وهى تستخدم أحد منتجات التجميل التى كانت ريهام سعيد قد أعلنت من قبل إنها لا علاقة بها وإنها كانت خدمة لابن صاحبة القناة.

ونشرت سميرة الدغيدي موجهة رسالة لـ ريهام سعيد قائلة،" هو مين قال انك مسئولة عن ترولايت انتي مذيعة اخدتي اجرك علي هذه الفقرات وخلصنا كون انك بكل الطرق حولتي تاخدي اجر تاني وترفض ده هو اللي مخليكي وصله للحاله دي انسي ان اللي بتعمليه ده هيخليكي تاخدي مليم زياده لانه مش حقك وعشان الكل يفهم الهانم دي عايزه كل ما الفقرات  اللي اخدت اجرها 450 الف جنيه تتذاع تاخد فلوس تانيه وده عمره محصل في اي قناة في الدنيا لا عربية ولا اجنبيه وعشان اوضح اكتر علي سبيل المثال محمد رمضان اخد اجر عن مسلسل جعفر العمدة فهل منطقي كل ما المسلسل يتذاع ياخد اجر تاني  اتقي الله وكفياكي حرب ركزي في شغلك خلصنا بقي وبالمناسبه  (انتي هتتسجني).

ومن جانبها ردت ريهام سعيد قائلة،"طب الحمد لله انكً اعترفتي ان بعد 25 سنه اعلام انك قعدتيني علي طبق غسيل . بعد كل النجاح الي حققته كانت دي الشكرا . شفتي بتكرمي الناس الي معاكي ازاي؟لا مكنش فري دفعت  تمنه غالبي اوي  من كرامتي و  تاريخي الي راح علي ايديكي .انتي فاكره ان انتي كده رخصتيني بالبوست ده ؟ بالعكس هو مين الي رخصني و دلوقتي بيعايرني بالي هو عمله فيه الحمد لله انك اعترفتي اني عندك قعدت علي طبق غسيل  و القاعده دي انعملت عشان خاطرك .بس الحمد لله ربنا اكرمني و رجعت لقيمتي و كياني الي تعبت فيه و مكاني الصح الي استحقه.”.