زوجة العامرى فاروق بعد رحيله: روحى مشيت معاك وعزائى الوحيد إنك فى مكان أحسن

أثارت وفاة العامري فاروق نائب رئيس النادي الأهلي، حالة من الحزن لدى الكثير من محبيه.

وقالت زوجة العامري فاروق فى أول تعليق بعد رحيل زوجها ، "من إمبارح مش قادرة اكتب وأقول أن زوجي وحبيبي وأبويا وكل حاجة في دنيتي خلاص مابقاش معانا في الدنيا دي..عامري كان الظهر والسند لي ولأولاده وإخواته وأبوه وأمه وأصحابه وأي حد يطلب منه أي حاجة.

وتابعت،"اللي شوفته إمبارح كان مظاهرة في حب العامري، واحد أفنى حياته في حب الآخرين وخدمتهم وإسعادهم بدون ما ينتظر مقابل مفيش كلام حيواسينا كلنا على غيابه..بس في الأخر لانملك غير الدعاء إننا نتحمل الفراق ده وإن ربنا يعينا ويصبرنا كلنا".

وقالت،"روحي مشيت معاك ياعامري، ومش عارفة إزاي حستحمل إني مش حشوفك ولا اسمع صوتك تاني، عزائي الوحيد إنك استريحت وبقيت في مكان أحسن وأفضل من الدنيا دي، وما تغلاش علي اللي خلقك".

وزوجة العامري فاروق هي الدكتورة مي طارق مسعود، ولديها من الأبناء إبراهيم ومريم

أفجعها الموت مرتين خلال 3 أشهر، حيث توفت والدتها في التاسع من نوفمبر الماضي، وتوفى زوجها فى الـ 26 يناير .