بعد القبض عليه.. القصة الكاملة لتعدى شخص على فتاة ووالدتها فى المعادى
كشف وزارة الداخلية ملابسات ما تم تداوله على أحد الحسابات الشخصية على موقع التواصل الإجتماعى "إنستجرام" بشأن مقطع فيديو تضمن تعدى قائد سيارة "ملاكى" على صاحبة الحساب بالسب والشتم وكسر زجاج سيارتها حال سيرها بدائرة قسم شرطة المعادى وبصحبتها والدتها، وتحريرها محضر بالواقعة.
وبإجراء التحريات أمكن تحديد قائد السيارة المشار إليها (مقيم بمنطقة المقطم).. وتم ضبطه والسيارة،وتم إتخاذ الإجراءات القانونية.. وتولت النيابة العامة التحقيق.
وتعرضت فتاة للاعتداء من قبل أحد الأشخاص بمنطقة المعادي بالقاهرة، وكشفت الفتاة تفاصيل ما تعرضت له وإصابتها.
وقالت عبر صفحتها على موقع التواصل الاجتماعى " انستجرام"حسبنا الله في كل مفتري وبلطجي ماشي عكس الاتجاه وقمة في الافتراء، واللي حصل إن أنا وأمي ماشيين في زهراء المعادي بعد الجامع الكويتي في طريقنا، والراجل ده أخد ملف غلط كان هيخبط فينا ف أمي قالت هو في حد بيلف كده، قام قالها هو أنا لازم أكسرلك العربية وأقتلك علشان تسكتي، قالتله لا هو أنا هستناك، رد قلها يلا يا.. وشتم شتيمة صعبة جدا، فأمي ردت عليه الشتيمة، ومشينا رحنا عند حتة نور علشان لقيناه بيجري ورانا..الراجل نزل قعد يحاول يفتح الباب واحنا قفلين ال lock ولما مافتحش فضل يخبط بأيده ويشتم شتايم كتير أوي ف طلعت الموبيل علشان أصور كان خلاص هيمشي فمراته قالت دي بتصورك فجه زي ما انتوا شايفين كسر الإزاز علينا وأنا نزلت في ساعتها أصرخ وهو طلع يجري، وحسبي الله ونعم الوكيل وهجيب حقي وحق أمي".
