مي كساب وأوكا: "لقد كان عامًا مليء بالحب والخير"
الجمعة 01/يناير/2021 - 01:59 م
نشرت الفنانة مي كساب، علي صفحتها الخاصة عبر موقع التواصل الاجتماعي "انستجرام" صورة تجمعها مع زوجها المطرب الشعبي أوكا.
قائلة: "لقد كان عامًا مليء بالحب والخير اه والله خير من كل محنه منحه وعرفنا قيمه حاجات كتير جدا كنا شايفينها عاديه وعرفنا إن كل نعمه ربنا مديهلنا هيه فضل كبير جدًا منه نحمدك ونشكر فضلك يارب".
وأضافت: "مسكنا في بعض جدًا وواضح أهوه في الصوره، كانت سنه فاصله في حاجات كتير قربت الخير وبعدت الشر عننا شفنا فيها الحقيقه الكامله لملخص الحياه وإتعلمنا فيها اللي ما إتعلمناهوش في العمر كله بس دائمًا ستر ربنا كان محاوطنا إحمدو ربنا وإشكروه طول الوقت علي كل نعمه و علينا أسأل الله أكترعلينا وعليكم توصف بأنها ستر وصحه ورضا وسعاده ونجاح في صحه وستر".
ويذكر أن نشرت مي كساب، تغريده على موقع التواصل الاجتماعي "تويتر" تنفي فيها تعرضها لموجه من التنمر في الفترة الأخيرة بسبب وزنها الزائد.
وقالت مي كساب: " أنا ولا اتعرضت لتنمر ولا أي حاجه شكرًا يا جماعة على تعاطفكم معايا بس أنا والله أم وخلفت 3 أولاد ورا بعض وبأرضع وجمهوري أخد عليه كده طول الوقت بأتخن وأخس والكلام عن تخني مش بيزعلني خالص دي طبيعه جسمي وعاجباني وراضيه تمام الرضا الحمد لله".
