ماينفعش معاهم الأدب.. موظف بصيدلية العزبى يتطاول بالكلام على سيدة
حذرت سيدة من الموظفين بصيدليات العزبى، مستعرضه مشكلتها بعد تطاول أحد موظفى الصيدلية عليها بالكلام ، على حد قولها.
وقالت صاحبة الواقعة ، عبر السوشيال ميديا ،" انا اتعاملت بعدم احترام غير طبيعي وصوت عالي بدون اي سبب من شخص شغال ف صيدليه العزبي فرع عباس العقاد ومحدش من الدكاتره ولا الي واقفين في الصيدليه قالولو عيب دي واحده مثلا وعيب تتكلم معاها بالاسلوب ده واني وضحتلو سني واني غالبا اكبر منهم كلهم والي طبيعي اصلا يحترم الكل اي كان عندو كام سنه لكن استمر ف الكلام بستهزاء مني وصوتوا الي ابتدئ يعلي اكتر ومش فارق معاه اني أأقدم فيه شكوي".
وتابعت صاحبة المشكلة مع صيدلية العزبى،" واضح انو كان عارف مسبقا ان محدش هيحاسبو اصلا لو عارف انو هيتخصملو او يتاخد معاه موقف بجد من الاداره مكنش تجاوز و تتطاول عليا رغم اني متجاوزتش حدودي بكلمه ولا تصرف واتحدي حد منهم يقول عكس كدا وده كلو بسبب اني روحت عشان اشتري عرض وقالي خلص وضحتلو انو لسا العروض شغاله ولما العروض بتكون عدد ايام محدد بيكتبو وطلبت اكلم مسؤل في الماركتينج عشان افهم منو لكن رفض وابتدي أسلوبه الغير اخلاقي يزيد رغم انو مش السيلز ولا مسئول الشفت ومش عارفه كان بيوجهلي كلام ليه اصلا ب اي صفه".
وقالت،" قولت استحاله انزل بمستويا الاخلاقي ليه المفروض اني بتعامل مع صيدليه محترمه واخد حقي بالادب احنا مش في غابة واتواصلت مع قسم الشكاوي واتواصل معايا مدير الفرع وقالي هيطبق عليه خصم واضح برضو بعد كدا انو كان مجرد كلام وان محدش بيتحاسب ع اي غلط لكن بعد تفكير رفضت عشان احنا ف ايام حرام انسان يتخصم منه جنيه اصلا واكتفي بالاعتذار ولو رفض الاعتذار يتطبق عليه الخصم ويبقا هو الي اختار وبعد ما اتفق معايا مدير الفرع اختفي كلام كتير منهم وفعل مافيش لكن واضح اني كنت غلطانه وان الادب معاهم مينفعش.. يعني من الاخر ممكن اي شخص واحده او واحد يتقل من احترامو ويتجاوز الحدود معاه وميعرفش يردها بالادب انسي انك تعرف تاخد حقك".
