محمود عامر: بقالي 3 أيام بكلم أولادي ومحدش بيرد.. أنا معملتش حاجة غلط

بكى الفنان محمود عامر وهو يتحدث عن أولاده وابتعادهم عنه بعد انتشار خبر زواجه والضجة الكبيرة التي أثارها هذا الخبر، لم يتمالك محمود عامر دموعه وبكى قائلا: "بقالي 3 أيام بكلم أولادي ومحدش بيرد، صعب عليا نفسي أنا معملتش حاجة غلط".

وتابع،" متزعلوش مني لو اللي حصل ضايقكم بس أنتوا أقرب ناس وعايشين معايا وعارفين أنا كنت إيه أوعوا تنسوني".

وأضاف عامر فى تصريحات تليفزيونية، متأثراً وهو يوجه رسالة لابنه: "أقول لإبراهيم ابني مدير التصوير ربنا يكرمك ويرزقك ببنت الحلال اللي تسعدك، محمد حبيبي في رابعة مونتاج معهد سينما نجم جميل أنا واثق تمام الثقة إنك هتقف على رجليك وهتشرف كل العيلة".

وتابع محمود عامر: "أنا كنت في ضياع وربنا رزقني بإنسانة رجعتني للدنيا، أشيلها على دماغي من فوق ربنا يرزقني بكل جميل أوفره لها لأنها تستحق ده، أنا فجأة لقيت نفسي وحيد، هي كانت داعم لولاها من بعد ربنا أنا كنت ضيعت، أنا جالي سكر عرضي ودخلت في فيلم غريب جدا وبرضو بفضل الله سبحانه وتعالى وبفضل وجودها معايا السكر العرضي راح".