نبيلة عبيد تنعى وحيد حامد باكية: أفلامى معه أضافت لمشواري

نعت  الفنانة الكبيرة نبيلة عبيد رحيل الكاتب وحيد حامد قائلة: "  :"وحيد حامد قيمة كبيرة أوي  للسينما  ولي أنا شخصياً في الافلام   التي عملتها معاه هي افلام أضافت لمشواري  الفني "وتابعت  باكية  في مداخلة هاتفية عبر برنامج " كلمة أخيرة  " الذي تقدمه الاعلامية لميس الحديدي على شاشة " ON"  قائلة " أول عمل من أعماله معي كان فيلم " التخشيبة " وكان إخراج عاطف الطيب وكان مكتوب  حلو أوي  وثاني الاعمال كان " الراقصة  والسياسي " .

وأكملت : " كان بيكتب سيناريو وحوار هايل وجمل فيلم الراقصة والسياسي ماكنش حد يعرف يعملها غيره   كان جميل وأعقب ذلك تعاون  في فيلم " كشف المستور  " وكان حكاية  رهيبة وسألته  بعدها : إزاي كنت بتقدر تتنبأ  بالي هيحصلنا ونعيشه ؟ زي جزر الباهاما  وتهريب الاموال ومرينا بيه وعشناه ولما سألته   إزاي تنبأت ؟ كان بيسكت ".

وقالت أن أي  أي شيء تتعرض له البلد كان بيتاثر جداً ويتألم  لانه مهموم بالوطن  وحاسس    بكل شيء ".

 وتابعت : "  لما كان مايردش على التليفون كنت أقوله ياوحيد بس إبقى رد على التليفون  يقلي معلش يابلبل  مش عايز ارد على التليفون ".

وكشفت  أن الراحل كان سيتعاون  معها في عمل قريب قائلة : "  كان هيعمل حاجه حلوة  وكنت أساله عنها   هي إيه ؟  يقلي  هبقى اققلك وكان مسميها إسم غريب .. لكن كان عندي الامل  إني هعمل معاه حاجة حلوة   وكان يقولى إن شاء الله ".