قال عايزه تخرب بيتى.. بوسى بعد تصريحات طليقها: مالوش علاقة بالرجولة واتعشى معايا بعد الحلقة

وجهت المطربة بوسى رسالة عتاب لـ بسمة وهبة بعد تشجيعها على الحديث عن طليقها هشام ربيع لتخرج وتقول بويى إنها مازالت تحبه.

وبعد تصريحات بوسى فوجئت بتصريحات من طليقها بأنها تصرح بهذا الأمر لأنها تريد أن “تخرب بيته”.

وقالت بوسى فى رسالتها لـ بسمة وهبة “ انا ندمانة إنى سمعت كلامك .. طلع يتكلم عليا وعلى عرضى وشرفى .. أنا عمرى ما جبت سيرته ومكنتش متخيله إن الشهرة واكلة دماغه وبيستغل الشهرة دى على قفايا على قفا الست اللى كانت بتنام جنبه وكانت مراته فى يوم من الأيام”.

وتابعت،" يوم الحلقة يوم التصوير بعد الحلقة جه واتعشى معايا .. ومكنتش متخيلة إن بعد ما اتكلم عنه كويس يطلع يتكلم عليا وعلى شرفى وعرضى.. ده مش عامل حساب انه فى شهر كريم وقدام الكعبة واتكلم على مراته اللى كانت مراته وكانت شرفه وعرضه".

وكانت المطربة الشعبية بوسي، قد قالت أنها لم تعد إلى زوجها هشام ربيع، قائلة: "لو رجعنا لبعض الناس كلها هتعرف، لكن إحنا احنا لسه مرجعناش".

وأضافت «بوسي»، في برنامج «العرافة»: "يا هشام أنت عارف ومتأكد إني مشفتش حد وقف جنبي زيك ولا حد جدع زيك ولا في رجولتك ولا هشوف، وأنت تستاهل كل حاجة حلوة في الدنيا".

وتابعت: «أنا مشفتش حد في نضافة هشام، في مهنتنا بنشوف ناس كتير أوي، لكن أنا عمري ما شفت حد في طيبة قلبه، مشفتش في رجولتك ولا هشوف، ولسه بحبه، وهو عارف».