راستر الراوتر.. مواطن يحذر من الاشتراك فى خدمات الإنترنت لـ فودافون

حذر مواطن من الاشتراك فى خدمات الإنترنت لشركة فودافون مصر ، مستعرضا تجربته مع الشركة وخدمة العملاء بها.

وقال صاحب المشكلة عبر السوشيال ميديا،" محدش يستخدم راوتر فودافون Vodafone Egypt انا مشترك في home wireless بقالي حوالي سنه أولًا وسبب البوست ده: انا النت فاصل عندي بقاله 6 ايام وبكلم خدمه العملاء يوميًا مفيش اي حل بيتقدملي، وفي الاخر قدمت شكوى وبكلمهم بقول محدش من قسم الشكاوى اتواصل معايا جاوب الموظف للأسف الشكوى اترفضت لإن المشكله دي المفروض يحلها الدعم الفني ( اللي هو بقاله 6 ايام مبيحلش معايا ) ومش حافظ غير رستر الراوتر او اعمل او سوي لحد م خلاني عملت ريسيت خالص للراوتر وبرضو الخدمه فاصله ".

وتابع ،" حرفيا انا من ساعه م جبت الراوتر غير اسوأ خدمه انترنت على الاطلاق والاتصال غير مستقر نهائي، بس في حبه مشاكل بقى من اللي تحرق الدم هحكيلك عليها عشان لو ناوي تغلط غلطتي اولًا النت بيفصل بال5 ايام في الشهر عادي والدعم الفني مش بيقولك غير طلع الشريحه يافندم حطها في تليفون واكتب اكواد تنشيط الخدمه رستر الراوتر او اقفله 10 دقايق وافتحه تاني "

وقال ،" انا هنشطلك الخدمه من عندي ( وبترجع تقطع تاني عادي بعد 5 دقايق ) ..انت بيكون معاك جيجات والنت يفصل وتيجي تفتح اي موقع يقولك لقد نفذ رصيدك برجاء اعادة شحن الباقة ( ربع ساعه ولا حاجه وترستر الراوتر يشتغلك نتك عادي ) ثالثًا وده بنسبه 80% بيحصل يوميًا النت بعد الساعه 2 بليل بيشتغل بسرعه اقل من 1 ميجا، ومهما تكلم خدمه عملاء او ترستر راوتر مبيقولكش غير اكتب اكواد تنشيط والنت برضو زي م هو خد عندك بقى مشاكل من كده كتير متقسمين ع ال28 يوم ومفيش حد يحل معاك من الاخر انت واخد نت ب3 اضعاف سعر النت الطبيعي عشان تحرق دمك ومفيش كواليتي نهائي ولا في الخدمه ولا في حل المشاكل".