مها أحمد: انا ست متكاملة وقمر ومجدي كامل بيدلعني يا "وزه"
عبرت الفنانة مها أحمد عن حبها الشديد لزوجها الفنان مجدي كامل قائلة: "ممكن اكون حسدت نفسي عشان متجوزة راجل زي الفل، دكتور وبقالنا 30 سنة متجوزين، مسبتش البيت مرة، بيعشقني وهو سيدى وتاج راسي وجزمته على دماغي، وانا مبعرفش اتخانق، وساعات اكون متعصبة جدًا عليه لاني عصبية شوية ولما يخرج من الاوضة أقوله مجدي اعملي معاك شاي والموضوع يخلص، وهو استغرب ده في اول الجواز".
مها أحمد: انا ست متكاملة وقمر ومجدي كامل بيدلعني يا "وزه"
وقالت مها أحمد خلال تصريحات تليفزيونية: "مجدي بيحبني عشان حلوة وامورة ومتجددة طول الوقت والكلام ده المفروض تعمله كل الستات، وانا بتشقلب ف البيت، وبيحبني كمان عشان شبه مامته، وست مكافحة وبيدلعني بيقولي يا وزة وحياتنا كلها متخرجش بره ولو هعيش معاه ب 1000 جنيه او 10 جنيه هعيش موافقة، وجبت أجهزة بيتي كلها بالقسط ساعة الجواز، والست متسامحش في الخيانة وأنا عمري ما اتخانت وانا ست كاملة متكاملة وقمر وبحب ادلع واتدلع، ومجدي طول عمرنا اول مايرجع البيت بيناديني يا وزة وياخدني وانا قصيرة كده في حضنه ويحط دماغي على صدره".
