ياسر فرج يكشف عن اللحظات الأخيرة في حياة زوجته قبل وفاتها

صرح الفنان ياسر فرج  عبر برنامج “لحظة تجلي” الذي تقدمه الاعلامية منى عقبي ، عن اللحظات الأخيرة في حياة زوجته قبل وفاتها بعد صراع مع مرض السرطان قائلا "زوجتي كانت حالتها بتسوء بالتدريج، ودعيت وقولت يا رب لو أنت مقدر وفاتها أنا راضي بس سهل المرحلة دي علينا وعلى الأولاد، من غير خسائر نفسية وربنا استجاب ليا بعدها بشهر".

وتابع: بحس بيها إنها في البيت، وبحلم بيها إنها معانا وممكن أبقى قاعد وولادي حواليا وأنا مش قادر أمسك دموعي، وأنا فعلًا عندي يقين كامل، في إن ربنا مش هيسيبني، وكانت حاسة قبل وفاتها ووصتني على الأولاد ومامتها.. وأنا والأولاد بنروح نقرأ ليها قرآن وبسيب كل واحد يقف قدامها يتكلم معاها ويفضفض معاها وبيبقوا حاسين بيها".

وأضاف ياسر فرج: "قبل وفاتها كنا متأهلين أنا والأولاد، إننا نستوعب فقدها وكانت صدمة كبيرة بس كانت قليلة بالنسبة لأنها كانت تموت فجأة وإحنا كنا مؤهلين.

توفيت زوجة ياسر فرج الأولى ميادة في شهر يناير عام 2021، إثر كورونا، وسبق أن كشف ياسر مدى حبه لزوجته الراحلة إذ نشر صورة عبر حسابه بـ فيسبوك لزوجته داخل وحدة العناية المركزة، وكشف من خلالها مرض زوجته إذ كتب: طول عمري وأنا بخاف من الباب ده، كل ما أروح أزور حد مريض وأعدي بالصدفة من قدام الباب ده بشوف ناس واقفة قدّامه منهارة على عزيز ليها داخل العناية المركزة.