أمير مرتضى: النادي الأهلي منظومة قوية جدًا وسط منظومة رياضية ضعيفة

كشف أمير مرتضى، المشرف السابق على الكرة بنادي الزمالك، عن سبب حسده للنادي الأهلي، قائلًا: "حصل في مصر كام ثورة مأثرتش على النادي الأهلي، ولا يتأثر بـ كورونا ولا ازمة أوكرانيا ولا عقود رعاية، بحس ان فيه حاجة غلط في المعادلة، ومبيعملوش اعمال رغم اني مقتنع ان فيه حسد وأعمال، لما بنروح افريقيا بناخد معانا ماية وحاجتنا كلها، عشان مينفعش نلمس حاجة بسبب الأعمال، ويترمي علينا حيوانات ميتة بالدم عشان عسان السحر، والناس كلها عارفة". 

أمير مرتضى: النادي الأهلي منظومة قوية جدًا وسط منظومة رياضية ضعيفة بالتالي قادر ينجح لوحده

وقال أمير مرتضى، خلال استضافته ببرنامج "أسرار" مع الإعلامية أميرة بدر: "النادي الأهلي منظومة قوية جدًا وسط منظومة رياضية ضعيفة، بالتالي قادر ينجح لوحده، والأهلي أقوى من اتحاد الكرة واقوى من الأندية كلها أقوى من رابطة الأندية ومن وزارة الرياضة، وناجح عشان السيستم غلط، ومش معناه أن لو النظام اتعدل هو هيفشل".

وأضاف أمير قائلًا: "بحب اتشاف بالشغل والحاجات اللي تبين اني شاطر وذكي، وانا خبيث و مستبيع، عندي القدرة اني اعرف معلومة عن لاعب ومقولوش سنة عشان استفاد منه وبعدها اقوله، وعندي شراهة في تجميع البطولات، كنت واخد ميدالية وحسيت ان عايز تاني لحد ما بقوا 8 ميداليات، عصبي ومش بتعصب بسرعة، وممكن أكسر المكان، والمستشار مرتضى منصور خسر بسبب غضبه، بسبب رد فعله في مشاكل معاه حق فيها بس اتعصب".