عمرو أديب عن قطع الكهرباء: غير مقبول مافيش دولة بتعيش كده عالطول
علق الإعلامى عمرو أديب، عن عودة انقطاع الكهرباء عقب شهر رمضان قائلا" غير مقبول مافيش دولة بتعيش كده عالطول"، متابعا " يجب أن تشعرنا الحكومة أن قطع الكهرباء مؤقت وليس مستمروالحكومة دورها حل الظروف".
وقال فى أول حلقات برنامجه" الحكاية" بعد إجازة شهر رمضان ،" انتوا حسبتوها إزاى وليه ماروحتوش مجلس النواب وشرحتوا إنتوا بتعملوا كده ليه"، مضيفا " وجود أى حكومة له علاقة برضا الناس وموضوع الكهرباء بيضايق الناس والأسعار بضايق الناس بس مش زى الكهرباء".
وتابع “ البمزك بيقطع فيها الكهرباء وأغلب البنوك فى عمارات وعلشان يركب مولد كهرباء لازم ياخد موافقة من الدفاع المدنى والعمارة”.
وقال موجها حديثه للحكومة" أنا آسف إنى بقولكم الكهرباء مهمة بس هل أنتوا سألتونا .. عارفين إن الفلوس جات بس عارفين هى رايحة فين .. السؤال المهم احنا مستمرين كده وهنكمل كده متفهمين الظروف بس مش متفهمين التطبيع مع الفكرة لازم يكون فى خطة".
وتابع" مين اللى خد القرار ان الكهرباء مش أساسية انتوا سألتونا.. لو على المليار دولار بيعوا كل فترة قطعة ارض ووفروا المليار دولار.. أرجوكم لا تقبلوا ان ده يبقى وضع مستمر".
