شيخ وصفها إنها"بتقضى ليلة مع الرجال".. انهيار ميار الببلاوى: ابنى واخواتى ما بيكلمونيش
علقت الفنانة ميار الببلاوى على اتهام داعية لها بإنها “تتزوج الرجال لمدة يومين” ، وقالت منهارة" لقيت شيخ فاضل اللى أنا بحبه فى الله خاض فى عرضى وشرفى .. هو شيخ جليل وكلنا بنحبه بس من غير ما يتبين خاض فى عرضى"، متابعه" قالى انتى جيالى علشان أنا حطيتك على المرجيحة أصل أنا جيت عليكى جامد على الصفحة بتاعتى .. وقال عليا إن أنا زانية".
وتابعت فى بث مباشر على صفحتها بموقع التواصل الاجتماعى “فيس بوك” وهى باكية “ الموضوع بدأ من حلقة بسمة وهبة .. أنا ابنى مابيكلمنيش من ساعة ما الحلقة طلعت .. كل الناس عمالة تقطع فيا وفى عرضى وأنا مش عايزة أقولكم كمية المونتاج اللى اتعمل فى الحلقة”.
وقالت “ انا بقول يا رب أنت شايف وعارف .. ده أنا النفس بخاف اتنفسه أنا بخاف من ربنا .. ده أنا ما بشربش القهوة وبخاف أشربها”.
وقالت “ أنا شبعت ظلم مافيش حد اتظلم أكتر ما أنا اتظلمت .. لكن توصل لحد شرفى وعرضى ويتقال عليا إنى زانية حسبى الله ونعم الوكيل.. أنا أم راجل وزوجة راجل وبنت صعيدية .. حرام عليكم قطعتونى.. ابنى مابيكلمنيش واخواتى مابيكلمونيش”.
وقالت “ أنا اتجوزت على سنة الله ورسوله هو أنا لو ست وحشة هتجوز.. دى حاجة تخصنى أنا”.. وبقول للشيخ “ حسبى الله ونعم الوكيل فيك.ز ادفن نفسى يعنى".
واستطردت قائلة" احنا جوازتنا غير واكتر من الناس التانية وعمرى ما عملت حاجة عيب ولا غلط.. اتجوزت ولا اطلقت مالكوش دعوة بيا ".
وتعرضت ميار الببلاوى لحالة إغماء على الهواء أثناء انفعالها وهى تعرض أوراق زواجها وطلاقها.
