بعد الهجوم عليها بسبب الحجاب.. عبير صبري: "محروق التريند"
الأربعاء 06/يناير/2021 - 02:49 م
ردت الفنانة عبير صبري على الجدل الذي أثير بسبب تصريحاتها حول الحجاب خلال لقاءها مع الإعلامي عمرو الليثي في برنامج "واحد من الناس".
وكتبت "عبير" عبر حسابها على موقع التواصل الاجتماعي "انستجرام"، قائلة: "صباح الخير ارجو من رواد السوشيال ميديا انهم ميصدقوش المواقع اللي تاخد كلام في برنامج متصور صوت وصوره ويلحقوا قبل إذاعة الحلقة ياخدوا نصف التصريح عشان يغيروا معناه لزياده مشاهداتهم وميهمهمش سمعه وكرامة الفنان اللي هيتعرض ليه الفنان، طالما هيعملوا تريند، محروق التريند الرخيص علي اللي بيسعي ليه".
وأضافت: "كان ومازال الحجاب فرض أؤمن به تماما واجابتي عن السؤال كانت في حلقتي اللي هتعرض يوم الجمعه والسبت في برنامج واحد من الناس مع دكتور عمرو الليثي هل ندمتي علي الحجاب قلت حرفيا ندمت اني لبسته قبل ما أكون مستعدة مظبوط للخطوة دي وندمت إني قلعته واتمني ارجعله في وقت تاني".
وختمت حديثها، قائلة: "فا لو سمحتم متحطونيش في خانة مش بتاعتي ولا انتمي ليها، أنا اؤمن بالحجاب واحترمه وامي واختي محجبات وأنا بعرف انا بقول ايه كويس اما شتايم الناس فهي في رقبه كذب المواقع الباحثين عن ترندات قله القيمه وشكرا".
