أحمد جلال عبد القوى: الستات إيمانهم ضعيف ويوم القيامة كلهم هيمشوا ورا المسيح الدجال
كشف الفنان الشاب أحمد جلال عبد القوي ، تفاصيل انفصاله عن خطيبته بسبب المخدرات بالإضافة لحديثه عن الفنانين المقربين له والذي يرغب في التعاون معهم.
وقال خلال حواره مع الإعلامية ياسمين عز ، "الستات إيمانهم صعيف ودي حاجة معروفة ويوم القيامة معروف كلهم هيمشوا ورا المسيح الدجال، واتقال عنهم ناقصات عقل ودين.. وربنا مخاطبش المرأة ولا مرة لأن قدرتهم على الاستيعاب أقل من الرجالة".
وتحدث عن خطيبته التي تركها بسبب إدمانه للمخدرات وقال: "انا عمري ما اتجوزت ومعنديش استعداد للجواز لأنه مسؤولية وانا مش عايز دا دلوقتي، لكن خطبت مرة وانفصلنا بسبب المخدرات لكن محستش ان الموضوع فارقلي لأن أنا مبتهمنيش الحاجات دي وبشرف نفسي فوق أي حد".
وأضاف: "مش بفكر في الجواز دلوقتي وأولوياتي شغلي انا عندي شغل بعيد عن الفن لأني متعودتش أحتاج لحد، وبشوف نفسي فوق أي حد ولو حد شايفني كممثل وحاببني اشارك معاه يكلمني ويقولي مثلت ايه ويتفرج على أعمالي، ونفسي أمثل مع محمد رمضان وأقف قدامه ونيللي كريم، ولو هتكلم عن مخرج هيكون محمد سامي بينور أي حد معاه ومتميز جدًا".
وكان أحمد جلال عبد القوى قد تعرض لأزمة صحية مؤخرا بسبب المخدرات، والتي أدت الى سقوطه في مطعم شهير بالمهندسين.
