يوسف عمر يكشف عن صعوبات شخصيته بمسلسل "أعلى نسبة مشاهدة"
تحدث الفنان الشاب يوسف عمر عن تفاصيل شخصية حسن، الذي جسّدها ضمن أحداث مسلسل «لأعلى نسبة مشاهدة»، الذي عُرض ضمن دراما رمضان 2024.
وأضاف يوسف عمر، في تصريحات تليفزيونية،«حسن مش شرير لكن عنده مشاكل.. وأنا بالنسبة لي أي دور بيجي بشوف المخرج والمؤلف عايز يوصّل ايه وبعمل المطلوب»
.
وأشار يوسف عمر، قائلاً: «عملنا بروفات قبل التصوير وكنا بنحضر من فترة كبيرة ومن أول ما قرأت الورق حبيت الرسائل اللي بيوصلها المسلسل، وكنت حاسس أنه هيمس الناس.. ولما باجي أعمل دور مش بفكر الناس هتكرهه ولا هتحبه، أنا في النهاية بقدم نموذج لشخص موجود في المجتمع وبقدم رسالة للناس عشان ما تعملش كدة».
وتحدث يوسف عمر عن الصعوبات التي واجهها أثناء تصوير المسلسل، قائلاً: «أصعب حاجة بالنسبة لي: هل الناس هتفهم حسن هو بيعمل كده ليه؟، وده كان رهان كبير، عشان الناس تشوف ايه الدوافع اللي بتخليه يعمل كده!، لأنه فعلاً حب شيماء لما قرب منها، رغم أنه رافض أنها سابته».
وكشف يوسف عمر عن أعماله الفنية القادمة، حيث يشارك بالتمثيل في فيلم «فرقة الموت»، بطولة أحمد عز، منة شلبي، آسر ياسين، من تأليف صلاح الجهيني، وإخراج أحمد علاء، مؤكدًا على أنها تجربة هامة بالنسبة له.
