خبط على بابي كتير قبل الجواز.. لميس الحديدي تكشف عن بداية قصة حبها لعمرو أديب
كشفت الإعلامية لميس الحديدي، لأول مرة، عن بداية علاقتها بزوجها الإعلامي عمرو أديب، وكيف بدأت قصة الحب بينها .
وقالت الحديدي، خلال تصريحات تليفزيونية ،: “عمرو أديب خبط على بابي كتير قبل الجواز، واحنا بدأنا مع بعض صحفيين وكنا زملاء، كان عندي طموح جامح وكل لما يجيلي عريس هو يطفشه رغم أننا مكنش مندمجين وكان بيقعد يلعب في دماغي ويقولي مش مناسب، قبل ما اتجوزه كنت مخطوبة وبعدين فسخت خطوبتي وهو كان متزوج”.
بداية قصة الحب
لميس الحديدي وتابعت "وفي الأول كنت شايفة دمه تقيل وبعدين لما عرفني بقى دمه خفيف، ولما قربنا في الشغل من بعض قاللي علي فكرة هاتجوزك وقعد سنة يقنع أبويا بعد لما طفشلي العرسان، لو كنت بقابل عريس في مكان أخرج من اللقاء الاقيه واقف تحت البيت بيطفش العريس ويلعب في دماغي ويقولي ماغه تقلي وش هيخليكي تشتغلي، وفضل يتسلل لقلبي لحد لما حبيته ووافقت اتجوزه".
لميس الحديدي وأضافت “بيتنا عادي جدا وعمرو أديب له مواعيد مظبوطة في الأكل، والحياة فيها سيستم، وكأسرة عادية طبيعية فيها كل الحاجات الطبيعية لكن احنا الاتنين عبارة عن شبكة اخبار متنقلة وعلطول عندنا حكايات طول اليوم فيه أكشن، عندنا في حياتنا مشاكل وحاجات حلوة زي أي بيت، بس انا كلمتي اللي بتمشي في البيت سواء في الأمور الكبيرة أو الصغيرة بس هو لازم استشيره واعمل اللي في دماغي، انا اجتماعية اكتر منه، هو بيحب يقفل علي نفسه ويخلص شغل يبقى في البيت وبنخرج بالعافية مع بعض”.
تهديدات جماعة الأخوان المسلمين
كما أشارت الاعلامية لميس الحديدي إلى ما تعرضت له من ضغوط نفسية هي وأسرتها أثناء حصار مدينة الإنتاج الإعلامي والتهديدات التي كانت تطارها هي و زوجها بالقتل من قبل جماعة الأخوان المسلمين ، قائلة " كان في تجمعات رابعة والنهضة كانوا بيهددوني بالقتل ويقولوا يا مرسى ادينا إشارة نجيلك لميس في شيكارة، بس مكنتش خايفة وفيه حاجة كانت مقوياني بشكل غير طبيعي".
وتابعت، وقت تهديدي بالقتل تركت البيت أنا وعمرو أديب وإبني راح مع صديقتي نيرفانا للساحل الشمالي قلت لها خدي ابني نور واجري بيه علي الساحل لأني مش هبقى قاعدة قلقانة وخايفة وانتقلنا لمدينة الإنتاج الإعلامي".
