منة شلبي تشتري أضحية باسم الفنان الراحل نور الشريف
نشرت سارة نور الشريف صورة من صك أضحية أرسلته لها النجمة منة شلبي باسم والدها الراحل النجم نور الشريف.
وعلقت سارة نور الشريف على شراء منة شلبي لصك أضحية لوالدها، كاتبة عبر حسابها بموقع Facebook: "الحلوة منة شلبي، كلمتني من فترة صغيرة وقالتلي إنها حلمت بپاپي حبيبي الله يرحمه، وقالت لي إنها بإذن الله هتروح الحج وتتصدق لپاپي هناك، والحلوة من جوه قبل بره وفيت اللي قالت عليه".
وتابعت: ومن يومين لقيتها بعتالي الصورة، صك أضحية لپاپي، وكانت مفاجأة جميلة منها، وفي نفس الليلة روحت لبيت پاپي القديم في السيدة زينب و قولتله على اللي عملتيه يا منة، حبيبتي مش عارفة أقولك إيه لأنه مفيش كلام يوصف إحساسي باللي إنتي عملتيه ربنا يكرمك ويسعدك دايماً ويطمن قلبك يا طيبة يا حلوة، بحبك جداً.
وكانت المخرجة منال الصيفى قد وجهت الشكر إلى النجمة منة شلبى بعدما قامت الأخيرة بشراء أضحية باسم زوجها الفنان الراحل أشرف مصيلحي وذلك بالتزامن مع حلول عيد الأضحى المبارك 2024.
وكتبت منال الصيفى على حسابها بموقع فيس بوك:"الحمد لله على وجود ناس في حياتي كل شوية بيقولولي إحنا معاكي وجنبك، بالرغم إني مش بشوفهم كتير، بس بيحسسوني بأمان كبير قوي، حقيقي الحمد لله يارب، الناس دي رزق ربنا باعتهولي علشان يطبطب عليا، وإنتي منهم ربنا يسعدك يا منه يارب زي ما دخلتي في قلبي السعادة، أكيد أشرف حاسس بده دلوقتي شكراً يا غالية شكراً".
