"الكلام مش بفلوس".. أول تعليق من باسم سمرة على تصريحات رحاب الجمل
السبت 09/يناير/2021 - 08:19 م
فى أول تعليق له على تصريحات الفنانة رحاب الجمل وإتهامه له بدخول موقع بروفة فيلم مشترك بينهم فى حالة سكر ، قال الفنان باسم سمرة على حسابه الرسمى على موقع "تويتر": الكلام مش بفلوس يا جملاوي.
ومن جانبها قالت الفنانة رحاب الجمل فى تصريحات خاصة لـ" مصر تايمز" تعليقا على ما صدر من أحد الفنانين الذى رفضت ذكر اسمه قائلة" أنا واثقة فى النقابة انها هتجبلى حقى، الموضوع زاد عن حده أمس واللى حصل ماكنش ينفع يتسكت عليه إحنا كنا عايشين فى رعب إمبارح والوضع كان صعب"
وكشفت الجمل تفاصيل الأزمة وبدايتها قائلة" احنا داخلين فيلم معاه اسمه "ديك العياط" ، والمنتجة حجزت قاعة كبيرة علشان اجراءات التباعد نعمل فيها البروفة .. فا الفنان دخل البروفة فى حالة سكر .. وكلنا كنا ستات وشباب قاعدين خايفين من الحالة والمنظر اللى كان فيه الفنان ، وكنا خايفين نتكلم معاه لحسن الموضوع يتطور والموضوع يقلب خنافة ونشتبك معاه ".
