باسم سمرة عن رحاب الجمل: "معرفهاش وأخر مرة جبتها من القسم هى وجوزها"

قال الفنان باسم سمرة، تعليقا على اتهام الفنانة رحاب الجمل له بدخول بروفة إحدى الأفلام وهو فى حالة سكر قائلا" الكلام ده مش صح واسألوا مخرج الفيلم ، واللى هيغلط فيا هظبطه ومش هسكت".

وأضاف فى مداخلة هاتفية مع الإعلامى عمرو أديب " رحاب الجمل دى أنا معرفهاش وأخر مرة جبتها من القسم هى وجوزها اللى طلع نصاب وكان عامل ظابط".

وكانت كتبت رحاب الجمل، عبر حسابها على فيس بوك، قائلة: "الممثل السكران.. لما تبقي سكران وتدخل فرح وتضرب زميل نجم بالكوع ويسامحك لأنه مستغلبك ومستضعفك.. انت بقي تعتبر ان ده حق مكتسب.. وبعدها بحوالي شهرين تدخل حفلة وتشتم وتهين مغني شاب، ويكبر للناس اللي تدخلت في الموضوع ويسامحك بردو تعتبره حق مكتسب."

وأضافت: "لكن تدخل بالأمس بروفة فيلم وانت سكران وعايز كمان تلف حشيش ولما نعترض تشتم وتهين زمايلك وتغلط وتتلفظ بأقذر وأسفل الشتائم قدام الاغراب في مكان عام.. ديه ما تتسامحش عليها لازم تتعاقب وبالقانون لان ده قلة ادب وقلة مهنية والمرادي البلاغ للنائب العام علشان ارفع الحرج عن اي زميل او زميلة في طلب المشاركة في البلاغ أو الشهادة  يكفي تفريغ الكاميرات أنا هاربيك".