محامي أحمد رفعت: “اتقوا الله يا جماعه الراجل ائتمنا على أسراره”
كشف محمد محمد رشوان محامي اللاعب أحمد رفعت عن صمته، بعدما لفظ الأخير أنفاسه الأخيرة صباح اليوم.
حديث المحامي
وقال “رشوان” عبر صفحته الشخصية على موقع التواصل الاجتماعي “فيسبوك”: “يا جماعه الخير يا اهل المسلمين أحمد رفعت بين ايادى الله ادعوله بالرحمه والمغفره بدل النبش وايه اللي حصل وايه اللي وصل واشوف واحد كاتب هقدم بلاغ ضد هيثم عرابي وواحد كاتب مش عارف مسئولين نادى ايه”.
واستكمل محامي اللاعب أحمد رفعت حديثة: “ وصفحات ومواقع وجرايد اتقوا الله يا جماعه الراجل الله يرحمه ائتمنا علي أسراره ومستحيل كده الموضوع حصل ايام احتراف أحمد في الامارات وازمه وانتهت وأثرت عليه شويه وعملته مشكله لما جه يحترف تاني لانه كان لاعب كبير وعنده عروض كتير”.
وأضاف: “الدكتور وليد دعبس والكابتن هيثم عرابي هما اصلا اللي حلوا الازمه دى انا بتكلم كمحامي اللاعب عليه رحمه الله، الله يرحمك يا احمد ويغفرلك .ويسامحك ويسكنك فسيح جناته”.
