محمد المهدى: كلمة "وحشتينى" ختم الجودة للحياة الزوجية

قال الدكتور محمد المهدي، أستاذ الطب النفسى بجامعة الأزهر الشريف، إن كلمة "وحشتينى" تعتبر ختم الجودة للحياة الزوجية، وهو ما ترغب الزوجة فى سماعه من زوجها.  

 لغات الحب

وأوضح أستاذ الطب النفسى بجامعة الأزهر الشريف، خلال حلقة برنامج "مع الناس"، المذاع عبر فضائية "الناس"، اليوم الأربعاء: " تقول لك راجل كريم جدا ومحترم جدا وما بيخلينا عايزين حاجة وطيب وحنين، كل الصفات قاعدة تقولها.. بس عمره ما قال لي 'وحشتيني'.. كأن الكلمة دى كل لغات الحب، فبتبقى متشوقة فعلا، هي زي ما تكون الكلمة عند الست، الختم اللي بيدي صلاحية للحاجة دي".

وتابع: "بس إحنا عايزين ننبه برضو لأنه في أنواع من الحب ما بتبقاش باينة صح.. وده يمكن بيدي بقى إعجاز في التعبير القرآني، القرآن أنه 'وما جابش سيرة الحب في الزواج'، خالص.. لكن جاب سيرة المودة، جاب سيرة المودة اللي هي بتغلف الحب، السكن اللي بتغلف الحب، المودة والرحمة، والرحمة، ويبدو إن المودة، لغويًا أقوى كتير من الحب ليه؟ المودة هي الحب العملي، هي تودد كل طرف حتى الله سبحانه وتعالى سيجعل لهم الرحمن..ويعني عشان يستمر هذا الحب ونعيش بنحس بأثره وثمرته كمان".

وكانت الشركة المتحدة للخدمات الإعلامية، قد أطلقت قناة الناس في شكلها الجديد، باستعراض مجموعة برامجها وخريطة الجديدة التي تبث على شاشتها خلال 2023.

وتبث قناة الناس عبر تردد 12054رأسي، عدة برامج للمرأة والطفل وبرامج دينية وشبابية وثقافية وتغطي كل مجالات الحياة.