سيدة تحذر من التعامل مع شركة ماونتن فيو الساحل الشمالى أو استئجار شاليهات تابعة لهم
![ماونتن فيو]( /UploadCache/libfiles/42/2/600x338o/911.jpeg)
حذرت سيدة من التعامل مع شركة ماونتن فيو الساحل الشمالى أو استئجار شاليهات فى الساحل الشمالى تابعة لهم .
وقالت صاحبة المشكلة مستعرضه الواقعة ،" سلام عليكم انا عايزه احذر الناس من شركة ماونتن فيو الساحل الشمالي شركة كور ليفين core livings علشان انا مريت ب تجربه سيئة جدا جدا و لم أجد منهم غير الامبالاه و الاستهتار ب حياتي انا و أولادي ده غير عدم الاحترام في التعامل و قلة الأدب ".
![](/Upload/libfiles/42/2/905.jpeg)
![](/Upload/libfiles/42/2/906.jpeg)
وتابعت صاحبة المشكلة عن واقعة ماونتن فيو،: مبدأيا الحجز عن طريق ويب سايت و الدفع ١٠٠% مقدما و لما وصلنا دفعنا فلوس تأمين على ال شاليه قبل لما اعينه و لما وصلت الشاليه لقيت السرير مكسور و بلاعات الحمامات مسدوده و الغساله بايظه و فيها مايه متعفنه و الستاره واقعه و تربيزه ال سفره فيها جزء متعفن و مش مثبته و فضلت اجري وراهم علشان يبعتولي حد يصلح الحاجات دي لحد الساعه ١و منتصف الليل وقفه مع نجارين و سباكين و ناس جاين يركبوا الغساله و يصلحوا الستاره و حاجه منتهى العبث .
وقالت: و بعدها بكام يوم راجعين من ال بحر شمينا ريحة غاز جامده جدا جدا طلبنا حد يجي يصلح المشكله لقيت ال عامل بيقولي انتوا ازاي قاعدين في ريحة الغاز دي كده ! لا قدر الله لو كان حد ولع كبيرت ولا حاجه كان لا قدر الله حصلت مصيبه او لو كنا نمنا ماكناش صحينا..و ده ان دل يدل ان الشركة بتأجر شاليهات لم يتم عمل صيانه عليها للعملاء .. و طالبنا باسترداد قيمته الحجز اول يوم ال فضلت فيه واقفه مع صناعيه أصلح في الشاليه رافضين و محدش بيرد علينا و المعامله في منتهى قلت الأدب المفروض في اي مكان محترم و شركه محترمه لما يحصل مشكله زي دي لعميل المفروض الشركة تجري ورا العميل لحد ما تصلح المشاكل الحصل و كمان تشوف ايه ال يرضيه و يعملوه لكن انا من ساعة ما وصلت لحد مانا ماشيه النهارده بجري وراهم علشان اخد حقي منهم و مافيش حد بيرد علينا و لو حد رد مافيش غير قلة ادب و استهتار بحياة العملاء ال مأجرين منهم".
و قالت صاحبة المشكلة مع ماونتن فيو،: "لحد دلوقت انا قعده في المكتب في ماونت فيو في مكتب كور ليفين مش راضين يرجعوا فلوس اليوم ال الضاع مني وانا واقفه أصلح في بلاعه و سرير و غساله و انبوبه لحد ١ و نص بليل !!! ".
![](/Upload/libfiles/42/2/907.jpeg)
![](/Upload/libfiles/42/2/909.jpeg)
![](/Upload/libfiles/42/2/910.jpeg)
![](/Upload/libfiles/42/2/908.jpeg)