"لازم ناخد رأي أولادنا في حاجات كتير".. رسالة ريهام أيمن إلى جمهورها
الإثنين 11/يناير/2021 - 02:56 م
ردت الفنانة ريهام أيمن على رسالة أحد متابعيها حول لون شعر نجلتها، عبر حسابها الرسمي على موقع التواصل الاجتماعي "انستجرام".
وأرسل أحد متابعيها رسالة لها، قائلا: "هو أنتي بتصبغي شعر بنتك، ولو أه مش بيأثر على شعر الأطفال ونفسي أصبغه وخايفة يبوظ"؛ لترد "ريهام" عليها، قائلة: "لأ طبعا ده لون شعرها الطبيعي وعمري ما هفكر أصبغة أبدًا".
ووجهت "ريهام" رسالة لجمهورها من خلال خاصية "استوري": "ياريت مناخدش قرارات لولادنا في تغيير أي حاجه في شكلهم، وميعرفوش هما لما يكبروا يرجعوها لطبيعتها تاني، ولازم ناخد رأيهم في حاجات كتير تخصهم، حتى في السن الصغير، أو نديهم اختيارات احنا موافقن عليها كلها فا يحسوا انهم يقدرو ياخدوا قرار وده بيديهم ثقة في النفس، ويقدروا يعتمدوا على نفسهم أكتر كل ما يكبروا".
وأضافت: "يعني مثلا في اختيار لبسهم حتى لو اختاروا حاجة مش حلوة على بعض مش مشكلة خالص، المهم انهم هما اللي اختاروها وانا بعمل كدة مع ولادي ده بيبني شخصية".
وتابعت: "أو نديهم 3 اختيارات كلها احنا شايفنها مظبوطة وهما يختاروا منها، ياريت نحقق ده في كل حاجة تخصهم حتى في أتفه القرارات".
