تامر حسين لـ"رامي صبري": "مفيش صلح وأتعلم من حماقي"
الأربعاء 13/يناير/2021 - 02:37 م
علق الشاعر تامر حسين على أزمته الأخيرة مع الفنان رامي صبري خلال لقاءه ببرنامج "تريندنج".
وقال "حسين": "إلى حصل المرة دي غريب الشكل، لأنه اتهام باطل، الشخص إلى عامل كدة اعتذر"، مضيفا: "ولية بتدخل اسم عمرو دياب في جملة وتدخلني في جملة".
وتابع: "الموضوع لازم يكون اسمى من كدة، مش عشان خاطر التريند والحاجات دي، واعتقد انها جابت معاه بالعطس يعني ضرته منفعتوش".
وعلق عن بداية الأزمة، قائلا:"عشان عزيز بعتله مسدج على الخاص أنه مش عايز يشتغل معاه، وكان رد فعله أن هو كتب بوست بيسبق على الهواء، وأن هو يتناول الموضوع بالشكل ده سواء في الكدبة اللا أخلاقية إلى قالها ان الأغنية كانت بتاعته، محصلش".
ووجه الشكر للنجمين تامر حسني ومحمد حماقي، قائلا: "بشكر الفنانين تامر حسني ومحمد حماقي، لسبب إنهم ياما سمعو أغاني وغناها بعد كدة الفنان عمرو دياب أو اى حد، مشوفتش بعد كدة قال كان أغنيتي".
وأضاف حول مشاركة رامي صبري في تحدي "محسود": "قولتله يا رامي أنا كتبت بوست كذا كذا حابب تشارك، خيرته، قالي أه طبعا حابب أشارك جدا".
وختم، قائلا: "أنا بقول لرامي يبص لتجربة تامر وحماقي عشان يبقى في مكان أحسن بكتير"، مضيفا: "ومفيش صلح، أنا بحب أصحابي تبقى صفاتهم شبهي".
