جمهور الأهلى طماع والسقا كان هيضرب أنور .. أبرز تصريحات مصطفى خاطر في فايق ورايق
تصدر الفنان مصطفى خاطر محرك البحث على جوجل ومواقع التواصل الاجتماعي خلال الساعات الماضية، بعد ظهوره في برنامج "فايق ورايق" مع الإعلامي إبراهيم فايق، وفي هذا اللقاء، شارك خاطر تفاصيل مثيرة وجوانب من حياته الفنية والشخصية، كشف من خلالها عن أسرار لم يسبق له التحدث عنها.
ومع ارتفاع مؤشرات البحث حول تصريحات مصطفى خاطر، ترصد «مصر تايمز» للقراء والمتابعين في التقرير التالي أبرز تصريحات مصطفى خاطر مع إبراهيم فايق.
أبرز تصريحات مصطفى خاطر مع إبراهيم فايق
-الحال في بداية حياتي نزل بينا جامد، لأننا كنا عايشين في مصر الجديدة، ووالدي كان ظابط في الجيش، وطلع على المعاش، اتنقلنا في الأول المطرية، وبعدين اشترى بيت في الخصوص الحال نزل أكتر.
- محدش يتوقع صنعتي كنت نقاش، وكنت صنايعي، وحمدي المرغني، ومحمد أنور، اشتغلوا معايا، اشتغلوا معايا شغلنتين، وأنا اشتغلت حاجات كتير، فاشتغلت ترزي، واشتغلت حلاق، وصيانة بوتاجازات وثلاجات وأجهزة منزلية.
- كنا بنشتغل مع كبار الصنايعية، ونشتغل في أماكن كبيرة زي الفلل، وكنت أتعلم من صنايعي كسلان اللي كان يساعدني، لأن في الماضي كانوا يرفضون تعليم سر المهنة بسهولة.
- كنت بشتغل عشان أجيب فلوس وأعمل ديكور للمسرحية كنت صغير وأحقق دخلًا جيدًا، مما ساعدني على تخفيف العبء عن أهلي والإحساس بالاستقلالية.
- علاقتي بمحمد أنور، كان هناك سوء فهم بينهما فى بداية علاقتهما سويا وكان دئما على خلاف دائم بينهما إلى أن قدموا مسرحية ارتجالية على مسرح الجامعة واكتشف موهبته فقرر مساندته بحكم أنه كان يسبقه فى المسرح.
- جمهور الأهلي طماع جدا، عايز كل حاجة، لما بطولة بتعدي كدة بنزعل، بس والله فرحت لما الزمالك كسب السوبر الأفريقي، ومن قلبي، لأن كان في ثقة أوفر عندنا، وفرحت للزمالك لأن بقالهم كتير مخدوش بطولة.
- كنا معزومين على العشا عند علاء الشربيني، وعازم الدنيا كلها، وأحمد السقا جه وعلاء في المزرعة عنده خيل، والسقا ركب خيل ودخل بيه جوه البيت، عملنا مقلب في محمد أنور، جريت على السقا قلت له الحق محمد أنور بيقول عليك إنك أي كلام وكل ده على الفاضي، لقيت السقا جاب محمد أنور وكان عايز يحط تفاحة على دماغه ويضربها، وأنور كان بيموت وكان خايف بجد.
