"أنتو ممكن تخربوا بيوت".. أول تعليق من زوج العروسة "الحامل"

وكتب محمود مجدي عبر حسابه الرسمي بموقع التواصل الاجتماعي "فيس بوك"، قائلًا: "الشهرة حلوة ونفسنا نبقي مشاهير بس بالحاجة اللي بنعملها والمحتوي اللي بنقدمه مش بقلة الأدب والخوض في الأعراض".

وتابع: "انا لحد دلوقتي مش فاهم اول واحد واخد أسكرين من فيديو انا رافعه وواضح فيه جدا احنا بنعمل ايه وان دي حفلة بنعرف أصحابنا والناس اللي متابعنا فيها نوع الجنين ويحرف الكلام ويألف قصة علي مزاجه لمجرد انها هتجيب لايكات أكتر من القصة الحقيقية بيقول لنفسه ايه والناس اللي ذي البغبان بياخدو كوبي ويشيرو من غير ما حتي يعقلو الكلام او يفكرو لمدة دقيقة مع نفسهم بجد انتو ايه".

وأضاف: "يا جماعة أنتو ممكن تخربو بيوت وتخلو ناس تنتحر وتعقدو ناس في عيشتها ربنا يهديكم اي حد يشوف بوست من اللي بيتريقوا علينا يحط البوست دا في عينه شيرو البوست دا عشان الناس اللي مبتفهمش تفهم 

ومحدش يقولي انت اللي متنزلش صورك انا بنزل صوري انا مش صور حد تاني بالوضع والبس اللي علي مزاجي واللي عمره ما كان فيه اي ضرر او اساءة لحد الصورة من حفلة عملناها بعد سنتين جواز".