بيومي فؤاد عن مسلسل وصية جدو: بيناقش مشاكل ذوي الهمم
تحدث الفنان بيومي فؤاد عن أبرز الكواليس الخاصة بمسلسل وصية جدو خلال العرض الخاص الذي انطلق منذ قليل.
كواليس مسلسل وصية جدو
قال بيومي فؤاد:"إحنا روحنا لشركات الإنتاج مرة واتنين وتلاتة لغاية وروحنا للمعنيين بالموضوع ده مرة واتنين وتلاتة لغاية ما نطلع العمل بالشكل المطلوب إن شاء الله قريبا" .
وأضاف:"والمسلسل ده إن شاء الله بإذن الله يكسر الدنيا وفعلا القضايا اللي تناولناها في المسلسل تمس شباب ذوي الهمم الخاصة" .
وتحدث مخرج المسلسل عن كواليس مع بيومي فؤاد قائلا : "أستاذ بيومي متأخرش عن ولاد ذوي الهمم خالص وكان أكتر واحد معانا داعم، وأول لما كلمناه متأخرش، وقولنا له عندنا تصوير أول مسلسل لذوي الهمم وبعد 48 ساعة كان معانا في اللوكيشن وهو اعتذر عن كل الشغل علشان يبقى معانا، وعيدنا مرة واتنين ومتعبش، و احنا بنشكره جدا جدا لأن قبل ما يبقى نجم هو فعلا انسان ومش علشان اللي عمله دلوقتي بس، من 7 سنين كنت بعمل برنامج إنساني لقيته برضه مكلمني وقالي لو أي وقت محتاج حاجة يا محمد أنا دعمك".
مسلسل وصية جدو
يعد مسلسل وصية جدو بطولة كل من بيومي فؤاد وليلى عز العرب وحمزة العيلي ومجموعة من شباب ذوي الهمم الخاصة .
