تدهور الحالة الصحية للسبناريست بشير الديك
أعلنت دينا ابنة السيناريست الكبير بشير الديك عن تدهور الحالة الصحية لوالدها ودخزله العناية المركزة مرة أخرى وذلك بعد أن خرج من المستشفى خلال الفترة الماضية .
الحالة الصحية لبشير الديك
كتبت ابنة بشير الديك على صفحتها عبر موقع التواصل الاجتماعي "فيسبوك" وعلقت قائلة : "للأسف بابا دخل تاني الرعاية في مستشفى ——— والمرة دي الموضوع بقى مختلف خالص.. للأسف حالته بعد ما كانت بتتحسن شوية بقت ترجع تسوء تاني… المشكلة في الإهمال وعدم الاهتمام بالمرضي… رحنا امبارح وقت الزيارة لاقينا بابا زاد عدم وعيه وذراعه وارم جداً وبيؤلمه وماحدش كان واخد باله والمفروض انه في الرعاية… المشكلة التانية انه بقى لا قادر يمضغ الأكل ولا يبلعه… دا غير انه كان جعان على غير العادة لانه بالرغم من عدم قدرته على المضغ ولا البلع لكنه اول ما بدأ يأكل بدأ وعيه يزيد… ازاي دي رعاية… ومن كتر قلق ماما وعدم ثقتها في الخدمة المقدمة (اللي هي مش رخيصة بالمناسبة) بقت بتشوف الأدوية اللي بياخدها وبتعرف تأثيرها والآثار الجانبية بتاعتها و بدأت تناقش الدكاترة في الأدوية دي راح دكتور الرعاية المحترم المتواجد ساعتها قال لها "لو مش قادرين على مصاريف المستشفى روحوا مستشفى تانية…" هل دا رد محترم لدكتور رعاية في مستشفى معروفة بتميزها في الرعاية؟؟؟؟ الصراحة مش دا اول دكتور رعاية هناك يكون بالجليطة دي… وللأمانة الوحيدين المهذبين هناك دكتور صافي مديرة الرعاية ودكتور احمد سامي دكتور الرعاية… وللأسف مش موجودين طول الوقت… ان شاء الله نخرج منها على خير ونروح مستشفى تانية في اسرع وقت" .
واختتمت : "برجاء الدعاء لبابا انه يقوم بالسلامة ويخرج من النفق المظلم اللي هو فيه دا… امين" .
وفي وقت سابق، كتب طارق الشناوي منشورا على صفحته الرسمية عبر موقع التواصل الاجتماعي "فيسبوك" وعلق قائلا : "الكاتب الكبير بشير الديك عاد لمنزله بعد أيام في العناية المركزة، خبر قطعا أسعد الملايين وأنا واحد منهم، سلامتك يا أستاذ" .
وأضاف : "بشير الديك واحد من أهم أساطير كتاب السيناريو في عالمنا العربي، صاحب سواق الأتوبيس وموعد على العشاء والحريف وضد الحكومة وغيرهم، أنتظر قريبا أن يعود مجددا لمعشوقته السينما فهو من أهم السحرة الذين تشتاق الشاشات لإبداعهم" .
