والد عمرو وردة لـ"مصر تايمز": "ابني برىء.. وياريت الناس تسيبه في حاله"
الجمعة 22/يناير/2021 - 11:56 ص
رد مدحت وردة، أسطورة كرة السلة المصرية، على مزاعم تورط نجله عمرو وردة المحترف ضمن صفوف باوك اليوناني في فضائح تحرش بفتيات قاصرات وزوجات أصدقائه.
وأكد مدحت وردة لـ" مصر تايمز" على عدم صحة الاتهامات التي تعرض لها نجله قائلاً "ابني بيتعرض لمؤامرة واضطهاد من شخص معين، ابني برىء من كل الاتهامات اللي بتتقال عليه في السوشيال ميديا، أنا واثق من كده، وياريت الناس تسيب عمرو في حاله".
وأوضح والد عمرو وردة " أنا معنديش رد على الموضوع ده ولا بحب أكلم فيه بس المتأكد منه ان في شخص متربص بعمرو، وهو اللي بيطلع عليه الاتهامات دي كل شوية".
وفي وقت سابق، قال وليد هندي، استشاري الصحة النفسية، أن والد عمرو وردة من الشخصيات الدينية الملتزمة ومن الممكن أن يكون تربية والده الغليظة له نتج عنها سلوك عكسى وانفلات فى الأخلاق.
ووجه "هندي" نصيحة للاعب المصرى المحترف قائلًا "أنا مش هقول ارجع عن اللي بتعمله ده والكلام المعتاد لكن هقولك هات حد يدير لك وينظم لك حياتك لو أنت فاشل فى إدارة حياتك وشوف حد زي محمد صلاح وخليه قدام عينك طول الوقت عشان تتقدم في مجالك".
