لبلبة: رفضت الزواج من اتنين مابيحبوش الفن وعلقوا على أحضان عادل إمام ليا
قالت الفنانة لبلبة، إنها تزوجت مرة واحدة، وبعد الإنفصال منحت روحها للفن، مضيفه قائلة: "كان فى اتنين حبونى وعايزين يتجوزونى لكن مابيحبوش الفن وقالوا إزاى تخلى عادل إمام يحضنها".
وقالت خلال لقائها ببرنامج "باب الخلق"، على فضائية "النهار"، الذى يقدمه الإعلامى محمود سعد: "كنت بحب اللى طلب يتجوزنى، لكن قررت أنه زى القطر، قطر رايح وقطر جاى، وكل واحد على سكته، تمنيت له السعادة وقلت له يا ريت تروح تعمل أسرة لأنى بحب الفن.. الفن يسرق عمرك بس متحسش وتبقى مبسوط، وأنا مبسوطة وعمرى ما ندمت".
وقالت الفنانة لبلبة: إن الفنان عادل إمام والمخرج عاطف الطيب من أبرز الشخصيات التي أثرت في مشوارها الفني.
وأكدت إنها خلال التصوير مع عادل إمام بتكون يقظة للغاية قائلة "ممكن يعمل رد فعل بوجهه اتعودت انى مضحكش علشان الشغل ميبوظش، والناس كلها حبتنا مع بعض، وأنا كمان بحب الزعيم ومعاه حسيت بنجاحي واستفدت كتير من جماهيريته الكبيرة لأن الناس كلها بتحبه وبحس بيه وأعرفه من ضربة جزمته قبل دخوله استوديو النحاس، ويتناول قهوته قبل الدخول للبلاتوه، وأعرف إذا كان مبسوط أو مزاجه مش كويس".
