"الأبوة رجولة".. طليقة خالد عليش تهاجمه بعد صورته مع ابنته

علقت الفنانة ميما الشيمي طليقة المذيع خالد عليش، على صورة نشرها برفقة ابنتهما بعد الخلافات التي نشبت منذ فترة بينه وبين والدتها، متهمه إياه باستغلالها والانشغال عن ابنته.

وكتبت "ميما" عبر خاصية "استوري" على حسابها الرسمي بموقع التواصل الاجتماعي "انستجرام"، "عمر ما كان الحب والأبوة، إن أبويا ينزل صورة لينا ويكتب بحبك، عشان الناس تقول الله ده بيحب بنته وحنين، وينسيّ الناس اللي عمله، الأبوة هي الرجولة والحب، إنك متخليش بنتك محتاجة حاجة، لا ماديا ولا معنويا".

وأضافت: "الأب اللي بيربي ويكبر ويشقى ويصرف ويشيلها، مش أنسى بنتي وافتكرها كل شهر مرة، أخدها أصورها واستغلها زي ما كان بيستغل أمها، حسبي الله ونعم الوكيل في كل أب بالشكل ده، الأبوة مش سوشيال ميديا، محدش يصدق أي حاجة بتتنشر على السوشيال ميديا مش هي دي الحقيقة".

ونشر خالد عليش مؤخرا صورة له برفقة ابنته عبر حسابه على "انستجرام"، معلقا: "حاولت أدور على كلام كتير أكتبه على الصورة بس مالقتش عشان مش دايما الكلام بيوصف الإحساس والمشاعر، يارب احفظ بنتي وإبعد عنها كل شر وإعمل لها اللي فيه الخير".