شبيهة سعاد حسني: "أرفض تجسيد شخصية السندريلا في عمل درامي"

أضافت: "أولًا.. أنا مالي لا أنا وصية على حد ولا ليه علاقة مين يعمل أو ميعملش ربنا يوفق الجميع والناس أحرار يحبوا أو لأ وطبيعي جدًا زوجها يدعمها مش عيب.. ثانيآ أنا ممثلة و طبيعي أي ممثلة أو ممثل لما يكون عنده حاجه بتميزه بيشتغل عليها وبيعرضها للناس من باب إنها امكانيات تمثيلية وإنه يقدر يتلون ويعمل أكتر من حاجة وده اللى أنا عملته بصورالشبه بسعاد حسنى وأى ممثلة مكاني مع تشجيع الناس هتعمل زى ما أنا عملت وطبيعى، زى ما كمان أثبت بشغلى وكنت قاصده أكون بعيده تمامًا عن الشبه ده لما عملت دور ليلى فى الأب الروحى أو شهد فى البيت الكبير أو روز فى سلسال الدم وغيرهم أعتقد إنى مكنتش بعتمد على شكلى او شبه نهائي".

 

واستكملت: "ثالثًا.. و ده الأهم بالنسبالي أنا مش هعمل دور سعاد حسنى فى أي عمل أبدًا.. والتشبيه بسعاد حسنى هو بالنسبالى كان بمثابه إثبات امكانيات ممثلة واجتهاد منى والاجتهاد والتنوع شيء مشروع وحبى ليها حقى زى ما هو حق لكل اللى بيحبوها من فنانين وجمهور.. سعاد حسنى حالة لن تتكرر ومفيش ممثلة مصرية مبتتعلمش من أدائها و موهبتها الكبيرة.. وأى اسم يتذكر جنبها شرف ومسؤولية لأي ممثل.. أتمنى أكون رديت بشكل واضح للكل.. و شكرًا".