أحمد زاهر عن دوره بمسلسل "لؤلؤ": مبسوط جدًا بردود أفعال الناس تجاه الشخصية
الثلاثاء 02/فبراير/2021 - 11:34 م
أكد الفنان أحمد زاهر، إنه سعيد بردود الأفعال على دوره في مسلسل "لؤلؤ" الذي يجسد فيه شخصية طارق نصار قائلا: "سعيد جدًا جدًا بردود الأفعال وفيه حاجة غريبة كل ما امشي في مكان الاقي الستات بتبصلي وتبتسملي أي ست تبصلي وتبتسم .. والدور جاي مع السيدات جدًا جدًا، ورغم أن طارق شخصية بها عيوب، لكن مفيش إنسان طيب طول الوقت ولا شرير طول الوقت ممكن أكون كويس مع حد ووحش مع حد تاني؟".
وتابع في لقاء عبر برنامج "كلمة أخيرة" الذي تقدمه الإعلامية لميس الحديدي على شاشة "ON" قائلاً: "شخصية طارق مش شريرة ولا خبيثة بس هو رجل عملي بيزنس مان تربي في عائلة إرستوقراطية جداً".
واكمل: "في النهاية برضه من عيوب الشخصية أن طارق أناني وبيحب نفسه ويهمه إسمه قبل كل شيء وسمعته وشكله لكن عندما حب لؤلؤ تخلى عن كل شيء إيماناً بالحب".
وحول عنفه مع السيدات ومدى كونها حقيقية قال: "السيناريو عايز كده بس الضرب في المسلسل مرتين كان بجد وبقية المرات كان تكنيك مش حقيقي.. الصفعة الحقيقية كانت لنجلاء بدر في الحلقة الأولى، ثم هيدي كارم كانت حقيقية".
ووجه إعتذرًا للفنانة هيدي كارم عن الصفعة قائلاً: "عاوز أعتذرلها جدًا هي طلبت تكون الصفعة حقيقية ولما ضربتها.. الاه اللي طلعت منها في المشهد قطعتني من جوه ووشها ورم بعد الصفعة بعد كده الاستاذ محمد سامي قال بلاش ضرب بشكل حقيقي".
وأكمل: "لو أنا مكانها هاخد القلم بشكل حقيقي لأن الضرب الحقيقي بيطلع إحساس كبير عشان الوجع بيخلي ريكاشن الممثل صادق وحقيقي وانا بضرب في المشهد ببقى مضايق جداً".
وأكد أن "المخرج محمد سامي شخص مهم في حياته جداً قائلاً: شخص مهم في حياتي جداً وأكتر شخص وقف جمبي ومقتنع بإمكانياتي وبيحب يشتغل بيا ودايماً يقول أي "كاركتر " أحط فيه زاهر بيلمع".
