أحمد زاهر: "من كتر حبي لمهنة التمثيل بدور على الأدوار اللي مش شبهي علشان استمتع بنجاح الشخصية"
الثلاثاء 02/فبراير/2021 - 11:55 م
أكد الفنان أحمد زاهر، أن دور فتحي في مسلسل البرنس الذي عرض في رمضان 2020 مثل تجربة مختلفة كونها شخصية شديدة الصعوبة ولا تحمل طابع الكاراكتر قائلاً: "كان دور صعب جداً خاصة أنه مش كاركاتر مقارنة بدور فرج في كلام على ورق، حيث كان له طابع خاص أو مثل ولد الغلابة كنت طول الوقت خايف مايعقلش مع الناس عشان كده".
وتابع في لقاء عبر برنامج "كلمة أخيرة" الذي تقدمه الإعلامية لميس الحديدي على شاشة "ON" قائلاً: "طول عمري بدور على الأدوار والشخصيات اللي مش شبه أحمد زاهر على أرض الواقع لأن الاستمتاع بالمهنة أني أعمل حاجة مش شبهي وأنا بحب التمثيل جدًا وبحب أذاكر وافكر وأتخيل وأدخل في الشخصية اللي مش بتاعتي فلما أعملها الجمهور يفق لي".
وراجع "زاهر" أسباب إختفائه في بعض المواسم الرمضانية لغياب الدور الذي ينشده قائلا: "عشان كده بختفي في بعض المواسم الرمضانية لاني مش لاقي الشخصية الي أعمل منها حاجه فبقرر أختفي لحد مالاقي الشخصية الي تستفزني وأذاكر فيها زي "القرادة".
وكشف أنه "شخص عندما يقوم بدور فني يصعب عليه الخروج منه بسهولة قائلا: "لما بعمل شخصية في أي دور بيقى صعب أخرج منها بسهولة.. وأنا شخص متعب جدًا في البيت ومكنش في البيت طايقني أيام فتحي لاني كنت متمقمص الشخصية في البيت ولما كنت ألاقي طفاية مش محطوطة في مكانها ممكن أعمل خناقة كنت شخص لا أطاق".
