سالي عبد السلام تتصدر "جوجل" بعد تأثرها بقصة فشل زواجها
الخميس 04/فبراير/2021 - 09:29 ص
تصدرت الإعلامية، سالي عبدالسلام، قائمة الأكثر تداولا على محرك البحث الشهر "جوجل"، صباح اليوم الخميس، وذلك بعد حلقة روت فيها "قصتها" وإلغاء زفافها الذي كان من المفترض إقامته هذا الشهر.
وقالت سالي خلال تقديم برنامجها "قصة حقيقية"، والذي يذاع على شاشة التليفزيون المصري: "أنا جيت معظم الحلقات وأنا معيطة، ومش مكسوفة إني أقول كده، أهلي بيستنوا مني إني أكون قوية، لكن اللي حصل المرة دي إني منيت نفسي أوي، مش هقول إن اختياراتي غلط، لأني مش بختار أصلا، أنا ممكن ألاقيني داخلة في قصة وأنا مخترتش عادي، أنه شخص مناسب، أنا بختار السكينة والمودة والرحمة، مش زي ما الناس بيقولوا إني مش عاجبني العجب بسمعها كتير".
تابعت: "أيوه كنت باجي التصوير كتير جدا معيطة وبالذات الشهر ده، عشان كنت ممنية نفسي إني هكتب كتابي وأتجوز، بس الموضوع ممشيش ومحصلش نصيب، لأن أغلبية اللي بنعرفهم مبقوش قد المسؤولية ومبقوش رجالة ومبقوش يستاهلوا، مذيع الاجتماع برضوا ملهوش حصانة إنه يحكى ويتكلم".
وأضافت: "الحمد لله يا رب، يمكن أخدت مني حاجات كتير أوي بعد ما كنت منيت نفسي ومتوقعتش أنها هتتاخد مني وفي الوقت ده، الفترة دي كل ما أكلم حد أعيط ويصعب عليّا نفسي، بس أنت عوضتني يا الله".
