"دة تشهير".. هجوم حاد على عارفة عبد الرسول بعد تنمرها على صحفية
السبت 06/فبراير/2021 - 06:14 م
شن رواد مواقع التواصل الاجتماعى هجوم عنيف على الفنانة عارفة عبد الرسول بعد تنمرها وسخريتها من إحدى الصحفيات بعد اتصالها بها أكثر من مرة ، وهو ما نتج عنه غلق الفنانة السكة فى وجه الصحفية ولم تكتفي بذلك بل قامت بنشر الواقعة على صفحتها الشخصية على الفيس بوك ووصقته بالموقف الـ" سخيف" .
وقالت "عارفة" فى منشورها ، "ماصدقت أنام بعد مارجعت من السفر وأنا فى أشد التعب..تليفونى سايلنت جنب منى بس فيه رقم قعد يزن ورا بعض تخلص الرنه يرن تانى ..أنا صراحة خوفت ليكون فيه خبر وفاة مثلا ولا حد عايزنى تصوير دلوقتى حالا والكلام ده وارد".
وأضافت: "رديت وأنا قلبى فى رجلى.. أنا صحفية فى جريدة كذا، قولتلها يادمك ياشيخه وقفلت السكه، أول مرة فى حياتى أعمل كدة، بس اتغاظت قوى، هو فيه كده".
وعلق لها أحد متابعيها: "مش صح يا أستاذة عارفة إحنا بنحترمك كلنا جدا وبنحبك، معلش يمكن لسه متدربة جديد في الصحافه وعايزة تتشرف بمقابلة حضرتك، هو غلط طبعا زنها بس برضة مش صح طريقة حضرتك".
وكتب آخر: "هي أخطأت إنها رنت أكتر من مرة، وده يرجع لقلة الخبرة لأنها واضح إنها في بداية مشوارها، وكانت تظن الوصول لكي هيفرق معاها في مستقبلها المهني خصوصا إنها مكنتش محتاجه مساعدة "شحاته" بالعكس كانت هتعمل تصريح أو خبر بدايته جملة الفنانة القديرة عارفة عبد الرسول".
وتابع: "حضرتك غصب عنك استفزيتي من الزن لكن الخبرة كانت تحتم عليكي التصرف بحكمة أكثر من غلق التليفون وهو التوضيح لها إنك تعبانة .. وكمان مكنش ينفع التشهير بهذا الموقف علي السوشيال ميديا .. لأنه تصرف ممكن يتوصف بمعالجة الخطأ بخطأ أكبر منه".
وتابع: "حضرتك غصب عنك استفزيتي من الزن لكن الخبرة كانت تحتم عليكي التصرف بحكمة أكثر من غلق التليفون وهو التوضيح لها إنك تعبانة .. وكمان مكنش ينفع التشهير بهذا الموقف علي السوشيال ميديا .. لأنه تصرف ممكن يتوصف بمعالجة الخطأ بخطأ أكبر منه".
