"محتوى مبتذل".. تامر عاشور يكشف عن رأيه في أغاني المهرجانات
الأحد 07/فبراير/2021 - 11:39 ص
كشف الفنان تامر عاشور عن رأيه في أغاني المهرجانات، موضحا أن المجال مفتوح للجميع، مشيرا إلى حب الناس لأغاني المهرجانات، مستنكرا السبب وراء السؤال عن المهرجانات دونا عن غيرها.
وقال "عاشور" خلال لقائه بالبرنامج الإذاعي "عيشها بإنرجي": "سوق الغناء مفتوح، وعندنا ناس كتير بتقدم حاجات كتير، إحنا ليه بنتكلم عن المهرجانات بس؟".
وأضاف: "بتوع المهرجانات الناس بتحبهم وبتسمعهم، وفي ناس فعلا بتقدم محتوى مبتذل ومينفعش تغني حاجة زي كده وتقول الكلام ده، ناس كتير ومشهورين بتغني أغاني غريبة جدا.. خلي عندك دم شوية".
ورد تامر عاشور على سؤال"هل ممكن تعمل مهرجان؟"؛ قائلا: "لأ لأ مش ممكن.. والسوق مفتوح للكل.. ولكن هل النوع ده هيستمر مع الناس ويتسمع كمان 10 سنين؟ ولا هي مجرد موضة وهتروح؟ شرط نجاح الأغنية هو استمراريتها".
يذكر أن آخر أعمال تامر عاشور الغنائية أغنية "معلش أصلي مدلعها" من ألحان بلال سرور، وكلمات صابر كمال، وتوزيع موسيقي رامي سمير.
