دعاء فاروق تنهمر في البكاء بسبب هجوم متابعة عليها

وأضافت: "هو أنا بأذيكم في إيه يا جماعة لما بعلن عن منتجات لناس شقيانين برضه وعاوزين منتجاتهم توصل للناس وبيختاروا مشاهير يعلنوا عن منتجاتهم، ايه الاذية اللي انا بسببهالكم لما بصور اعلان؟؟ ايه الضرر اللي بيقع على أي حد لما بيشوفني بعرض أي منتج زى كريم أو شامبو أو ملاية أو أي حاجة كلنا بنستعملها".

وأكملت: "ايه العيب في اني اعمل اعلانات عن أي حاجة، اصلك مذيعة برامج دينية !!! هو أنا بعلن عن حاجة حرام ؟؟؟ هو أنا بشتغل الصبح مقريء وبالليل في خمارة؟؟ هو ايه يا جماعة القسوة دى، انا تعبت من كمية البلوك اللي بعملها لناس بيدخلوا يشتموا ويهاجموا بمنتهي القسوة، المرة دى انا بتشتم شتيمة قهرتني، وخلتني انفجرت من العياط، من فضلكم اللي مش مرتاح يمشي من الصفحة من فضلكم ده باب رزق واتفتح لناس كتير قوي سيبوا الناس تشتغل لو أي حد مكاني، لو اللي بيشتم شخصيا مكاني واتفتح له باب رزق بالحلال هيجري عليه، ومجنون اللي يلوم حد بيسعي وببشتغل".

واختتمت حديثها: "اتقوا الله في الكلام اللي زى السم اتقوا الله في الاذية اللي بتحدفوا بيها الناس، اتقوا الله، عارفة ان فيه ناس كتير محترمين بحمد ربنا على وجودهم ودعمهم كل يوم، بحمد ربنا على نعمة الناس المحترمة اللي بتحبني اللهم دمها نعمة واحفظها من الزوال بس انا مشاعري كده أي حاجة وحشة بتقهرني ومش بعرف ابلع الكلام اللي زى الدبش، بيمرضني وبيتعبني، من فضلكم راعوا مشاعر الناس الكلمة بتوجع وبتقهر وبتمرض بلاش تضايقوا الخلق اتقوا الله".