"اتعلم يدى حقن عشانى".. زوجة رامي جمال تكشف دوره في أزمتها الأخيرة

نشرت ناريمان، زوجها الفنان رامي جمال، على حسابها الرسمى عبر موقع التواصل الاجتماعى "انستجرام" صور تجمعها بزوجها فى لحظات رومانسية، معبره عن حبها له وتعبه معها أثناء فترة تعبها ووجوده الذى كان مصدر قوة أثناء ضعفها.

قائلة: "البوست دا مش بوست بتاع حب وكلام من دا البوست دا شكر للإنسان إللى ربنا عوضني بى عن كل يوم وحش وصعب عدى عليا في حياتى الشخص إللى أنا عارفة هوا عمل عشانى إيه وغير فى نفسه إيه عشانى كان بيحاول طول الوقت وعلى قد ما يقدر يفضل جمبى و يخرجنى من إللى أنا فيه علشان عارف إن محدش هيعمل كدا غيره تعبتك معايا كتير وصحيتك فى عز نومك كتير واستحملت وعمرى ما حسيتك زهقت ولا تعبت منى رامى، اللى بيخاف يشوف حد تعبان إتعلم يدى حقن علشانى".

 

وأضافت أن: "أنا تقريبًا شخص ملوش أصحاب غير إتنين ثلاثة بالكتير اوى هما إللى بيسألوا عليا رغم إنى كنت شخص اجتماعى جدًا لكن بقالى سنين وأنا مقررة أكون لوحدى مدام النفاق والكدب و الزيف كتروا كدا يبقى إكيد الوحدة أحلى بكتير وأنا شخص نادرًا جدًا جدًا لما يبقى ف تجمع ويلاقي نفسه شبه الموجودين ودا مش عيبهم ولا عيبى لكن أنا شخص مش سهل التأقلم مع الأخرين". 

وأشار إلى: "بس رامى، كان دايمًا عارف يعوضنى ويبقى هوا جوزى وحبيبى وأصحابى كمان بحمد ربنا عليك و بتمنى مشفش حاجة وحشة فى حياتى تانى علشان مش هستحملها وبشكر القريب إللى كنت فكراه هيبقى جمبى وملقتوش حتى بمكالمة تليفون غير كل فين وفين زيه زى الغريب و شكرًا للغريب إللى لاقته جمبى مهتم و بيسأل وفعلًا المواقف دى إللى بتبين مين يستاهل يفضل ومين لأ وغالبًا المواقف دى هى اللى خلتنى أقرر أكون لوحدى مع جوزى وأهلى وبس وأنا مرتاحة جدًا". 

واحتفل الفنان رامي جمال، بعيد الحب من خلال طرح أغنية جديدة يوم 14 فبراير، خاصة بعد ردود الأفعال الإيجابية التي حصل عليها بعد طرح أغنية "ولسه" الفترة الماضية، وقدم رامي جمال، من قبل 4 ألبومات مع "نجوم ريكوردز" على مدار 8 سنوات ماضية، وهم "ملناش إلا بعض"، و"فترة مش سهلة"، و"ليالينا"، و"أنا لوحدى".