"أنا مشجع قبل أن أكون لعيب".. نزاع بين هداف الأهلي والجماهير

وقعت مشددات كلامية بين وليد سليمان لاعب الفريق الأول لكرة القدم بالنادي الأهلي، وبين بعض من جماهير القلعة الحمراء.

وأثار سليمان غضب الجماهير بعدما علق على بيان محمد يوسف المدير الفني للفريق، الذي كان نشر بيان منذ قليل يكشف حقيقة اتفاقه مع مجلس إدارة الأهلي لتولي تدريب الفريق خلفًا لسويسري رينيه فايلر المدير الفني الحالي.

وجاءت المناشبة عندما علق وليد سليمان من حسابه الرسمي عبر موقع التواصل الاجتماعي فيسبوك على بيان يوسف قائلًا: "والله ياكابتن حضرتك تستاهل كل خير وقدها وقدود ربنا يارب يوفقك وتستحقها عند جداره وجدير بيها وزي ما عملتها في 13 إن شاء الله قادر تعملها في 20".

ورد عليه أحد المتابعين منتقدًا لكلام اللاعب قائلًا: "والله لو في إدارة محترمه تجمد حضرتك لأخر الموسم وتنهي عقدك يا كابتن، واضح إنك مش عايز فايلر يكمل عشان حضرتك تلعب كل ماتش من أوله لأخره، احترم سنك وتاريخك النادي مش عزبتك".

وأضاف شخص آخر: "يا كابتن وليد مدربك اسمه رينييه فايلر مش محمد يوسف و لسا على رأس الفريق ! ، ارحمونا بقا".

وعلق آخر: "أنا مش عارف إيه اللي دخلك ف حوار السوشيال ميديا فين الكابتن سيد عبدالحفيظ من الموضوع دا ؟؟".

وبعض من التعليقات جاءت كالتالي: "مينفعش حضرتك يا كابتن تقول كلام زي ده ولسة المدير الفني الحالي موجود، بقترح عليك يا كابتن ترجع تتفرج على ماتشات بطولة ١٣ وتعرف انتو جبتوها ازاي..".

وقال آخر: "يعني معرفتوش تجيبوها بكل المدربين اللي  فاتوا هتجيبوها بالكابتن محمد يوسف؟؟ ماتحترموا عقولنا شوية ياكابتن!".

ورد وليد سليمان على كل هذه الانتقادات فقال: "الأهلي أكبر من أي حد والأهلي اللي بيضيف لأي حد إن كان مدرب أو لاعب علشان كدا عمر الأهلي ما بيوقف علي أي شخص مهما كان علشان كدا ياريت نبطل تعليقات بطريقه مش لطيفه وأنا مليش غرض من أي شئ علشان في ناس بتستخف دمها أنا مشجع قبل أنا أكون لعيب ".