محمود كهربا: "أنا لو دخلت الحمام مصر كلها هتعرف"
الجمعة 12/فبراير/2021 - 09:36 م
أعرب محمود عبد المنعم كهربا لاعب الفريق الكروي الأول بالنادى الأهلى، عن سعادته بعد إحراز الأحمر الميدالية البرونزية فى كأس العالم للأندية والذي أقيم فى قطر.
وقال محمود كهربا فى تصريحات عبر قناة الأهلى الفضائية: "بشكر جمهور الأهلى على دعمه، وكمان جمهور الزمالك، مش كله بيشتمى ومعظمه بيحبنى".
وأضاف كهربا: "مابعدش والله خدت كام بطولة، أنا مالعبتش الماتش ولقيت الميدالية البرونزية جيالى وأنا قاعد على السرير، ده النادى الأهلى".
وواصل: "قعدت 4 أيام محبوس فى الأوضة ماطلعتش منها، تعبت نفسيا، لكن الميدالية جت وفرّحتنى".
وتابع: "لقطة ايه اللى هاخدها؟ أنا بلعب فى الأهلى وكل خطوة محسوبة، لو دخلت الحمام مصر كلها هتعرف".
وأتم تصريحاته: "أهلى علمونى لما أشوف أى حد أعرفه أروح أسلم عليه، حتى على فكرة لو حد في بيني وبينه خصام هاسلِم عليه، ده شيء صعب الناس المريضة تفهمه، فكان لازم أروح أسلم على كابتن محمد أبو تريكة".
